View Single Post
Mandir kaisa hota hai,maszid kaisi hoti hai
Old
  (#1)
sharad tailang
Registered User
sharad tailang will become famous soon enoughsharad tailang will become famous soon enough
 
Offline
Posts: 50
Join Date: Dec 2003
Location: kota Jn Rajasthan India
Rep Power: 19
Arrow Mandir kaisa hota hai,maszid kaisi hoti hai - 4th January 2004, 04:37 PM

ek geet pesh hai- JHAGDAA KYOON ?

Meri beti poochh rahi hai, Mandir kaisa hota hai ?
Maszid kais hoti hai, Gurudwara kaisa hota hai ?

Kya Mandir ke kangooroN ko khud bhagwaan banaate hai ?
Kya Maszid ki meenaroN ko khud Rehmaan sajaate hai ?
Maine suna hai ye sab to kewal insaan banaate hai,
InsaanoN ke nirmaano par phir kyooN jhagada hota hai ?

Ishwer allah naam ek jab kyooN hai mazahab alag alag ?
Sabko sanmati dene wale ke kya kartab alag alag ?
Uske bandoN ke bolo phir kyooN hai matlab alag alag ?
Alag alag kya raate aur kya alag sabera hota hai ?

Deen dukhee ki sewa karna yahi dharm ho ham sabka.
Jag meiN har praani ke prati vyavhaar narm ho ham sabka.
Sab dharmoN ka aadar karna yahi karm ho ham sabka.
phir dekhe apne dil ka kaise baNtwaara hota hai.

Meri beti poochh rahi hai, Mandir kaisa hota hai ?
Maszid kais hoti hai, Gurudwara kaisa hota hai ?


sharad tailang
   
Reply With Quote