[ISHK EK IBADAT]

Originally Posted by AHMAD SHAKIL

Arbaab-e-Zauq Ko Aadaab…!Meri Aik Tarhee Ghazal Pesh Hai, Ummiid Hai Pasand aaye Gi

IK AAG KA DARIYA HAI AUR DOOB KE JANA HAI

Peecha Na Karo Mera, Mushkil Mujhay Paana Hai
Saaya HuN Main Saaye Ka Kab Koi Thikaana Hai

Ik Khaak Ke Zarray Ki Auqaat Bhala Kia Hai
Khwaahish To Magar Dekho, Aflaak Ko Paana Hai

Ik Umr Ke Baad Un Se Milnay Hamen Jaana Hai
Nazaren Bhi Milaani Hain Aur Gham Bhi Chupana Hai

Is Ishq Ke Maslak Me, Sab Kaam Niraalay Hain
Marham Bhi Yahan Logo KantoN Se Lagana Hai

Shayad M'ri Chahat Me AHMAD Hai Kami Koi
Yaa Phir Kaheen Aisa Hai, Be-His Ye Zamana Hai

AHMAD ALI SHAKIL

wah wah shakil bhai bahut khoob likha hai aapne..........likhte rahiye