Shoaib Tanvir saheb ki ek nazm -
29th September 2015, 05:42 AM
saaloN puraane ek dost janaab Shoaib Tanvir saheb ki ek mukhtsar si nazm, mere dil ke bohat kareeb rahi hai, mehfil ki pesh-e-khidmat hai, mula'izaa farmaayeN :
mohabbat ka voh ik poda
jo apne haath se tum ne
mere dil mein lagaaya tha
jisay apna lahoo de kar
bohat armaan se maiN nay
baRi chaahat say seNcha tha
bahaar aai to ab uss meiN
faqat kaaNTay hi aaye haiN!
Shoaib Tanvir
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
Last edited by maikasH; 3rd October 2015 at 04:29 AM..
|