tanha hoon to apni meri koshish bhi hai is main -
17th June 2008, 01:17 AM
tanha hoon to apni meri koshish bhi hai is main
aur kuch meri taqdeer ki sazish bhi hai is main
uper se faqat raakh ka ik dhair sahi dil
neeche kahin thorri abhi aatish bhi hai is main
ye rooh ka sannata nahin itna bhi khamosh
ik shor sa kerti hoi khuwahish bhi hai is main
ye zindagi ik pyas ka sehra hi nahin hai
her lamha tere dard ki baarish bhi hai is main
jamid nahi itna bhi lahoo meri ragon main
baqi abhi mohoom si gerdish bhi hai is main
ye meri ghazal tere hi rangon ka bayan hai
us per se mera rang e nigarish bhi hai is main
Waqt ke jisam ki kharash hoon main
apne ander se pash pash hoon main
zaaat hai aetbaar e zaaat nahin
ab to main khud bhi apne saath nahin
|