mujhe aisi zindagi dedo......!!!
har ghari tumhare tassawur me jhumti hui
phoolon me karke shumar tumhe chumti hui
khud jaisi ek bazm-e-sadgi dedo
mujhe aisi zindagi dedo......
har subha tumhari nazme gati rahe
har sham tumhare naghme gungunati rahe
kuch is ada ki mujhe mosiqi dedo
mujhe aisi zindagi dedo......
shab-e-tanhai me ghabrakar kahin bechain na ho jaun
tumhari yaad me gir kar kahin zer na ho jaun
in hathon ke pyale me aashiqi dedo
mujhe aisi zindagi dedo......
mujhe ronak-e-bahar nahi chahiye
sitaron me shumar nahi chahiye
bas apne naam ki mekashi dedo
mujhe aisi zindagi dedo......
miqdar-e-husn ki ho baat to be-hisab ho tum
e sham-e-nur sirf mujhe dastyaab ho tum
apne husn ki mujhe tishnagi dedo
mujhe aisi zindagi dedo......!!!