FikR Ji ... aapne mere liye itni mehnat ki aur kimti waqt lagaya ... iske liye aapka bahut bahut shukrguzaar hoon ... kuch samajh aaya ... kuch abhi adhura hai ... woh main aapse puchhtaa rahunga ... jab next ghazal banaaunga ... koshish karunga behr me rakhne ki ...
are isme kaun si mehnat kaun sa woqt, itna to bantaa hi hai aapke liye ...
bas koshish bekaar na jaye yahi chahtaa huN
Khair ..... aapne meri koshish ko apne tarike se behr me prastut karke acchaa udharan diya ... par radeef behr ke hiisaab se set zaroor aapne kar diya .. pata nahi mujhe utnaa jamaa nahi ... in khayaalon ke saath ... jitna "dekh lo" khiil raha thaa ... lekin mujhe toh seekhna hai ... isliye ki aage acchaa likhna hai ... behas me nahi jaaunga ...
hmm ji koe bat nahi agar aapko nahi jamaa to, fir se koshish karengee , jab tak na jame ..........
doosri behr mai try kartaa hun, aapke radeef aur kafiye ko na badlte hue ...
maine socha tha aapko maine jo behr batayee thi pahle usko dhyaan mai likhaa hoga, isliye usi behr mai try kiya....
ab doosri behr mai try kartaa huN .
bahut accha laga ...... aapne jis tarha ghazal ko sawaaraa aur bataaya ... ek baar phir se bahut bahut shukriya ... main aapse next ghazal banaate waqt zaroor islaah karunga ... thakhalus par .. phir se vichaar karnaa chaahunga ... yeh nahi ... khush rahen ... !
aapka pyaar hai, barnaa aapki ghazal meri se behtr hi thi........ behr ko dhyaan mai na rakheN to...
_________
is baar aapki behr hogi .. 2122 2122 212 .. dil ke armaan aaNsuo mai bah gaye ......... aapke khayal 98% nahi badle haiN maine, kuch behr ki bajah se badle kuch , adaa ho sake achi taarh uski bajah se ....
Dard-E-Dil Chhupaa Ke Dekh Lo
Har Aaiinaa Aazmaa Ke Dekh Lo ...
dard-e-dil ko tum chupaa ke dekh lo
aainaa bhi aazmaa ke dekh lo
Gar Naaraaz Ho Zindagi Se
Kisi Din Muskuraa Ke Dekh Lo ...
ho khafa tum zindgi se kisliye
saath mere muskuraa ke dekh lo
Phir Bahut Yaad Aayenge Hum
Jis Tarah Bhi Bhuulaa Ke Dekh Lo ...
hum bahut yaad aayenge fir baad maiN
jo agar chaho bhulaa ke dekh lo
(or)
hum bahut yaad aayenge tum dekhna
tum jo chahe to bhulaa ke dekh lo
Jise Dekh Ke Phir Nahi Dekhaa
Khwaab Thaa Sulaa Ke Dekh Lo ...
ye mujhe ab bhi samjh nahi aayaa, aap samjh dete thoda to shayed ise bhi behr mai le aata khair..
Kaise Khule Intezaar Ke Darwaaze
Zaraa Hausle Hawaa Ke Dekh Lo ...
khol degi baapsi ke dar sabhi
honsle tum is hawa ke dekh lo
Jo Nahi Hai Kismat MeN "Naresh"
Chaahe Haath Dikhaa Ke Dekh Lo ...
jo nahi likha hai kismat mai naresh
hath chahe tum dikhaa ke dekh lo
ab agar aapkaa takhluss ad kare to sher adaa nahi ho pa raha hai
behr mai aane ke babjood
isliye bina iske hi rakheN to adaa ho jayega...
jo nahi takdeer mai kya fir mile
hath chahe tum dikhaa ke dekh lo
__
ab ek sath ghazal post kartaa hun sabhi sher ..... jahaN aapko kami lage zaroor baatyeN, fir koshish karungaa .........!!
dard-e-dil ko tum chupaa ke dekh lo
aainaa bhi aazmaa ke dekh lo
jo khafa ho zindgi tum agar
saath mere muskuraa ke dekh lo
hum bahut yaad aayenge tum dekhnaa
jo agar chaho bhulaa ke dekh lo
khol degi baapsi ke dar sabhi
honsle tum is hawa ke dekh lo
jo nahi takdeer mai kya fir mile
hath chahe tum dikhaa ke dekh lo
acha buraa jo lage be-jhijhak bataiyega
abhi bhi bahut gunzaish hai, ek sher aaur same behr mai aur tarah se likhaa ja saktaa hai ......
Muklish
Fikr ..........