|
|
|
|
|
|
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
tum salaamat raho apna haafiz khudaa -
28th September 2002, 12:56 AM
zakhm dete haiN dil ke tumhe ye duaa
tum salaamat raho apna haafiz khudaa
kiski chaukhaT pe hum jaan deNge sanam
gar na humko milaa tere Ghar ka pataa
kab mujhe thii tere jism kii aarzoo ?
paak thii ye nigah, saaf thaa dil meraa
dard-e-dil meiN hai shiddat baDii dosto
raastaa maikadey ka bataa do zaraa
ab ye haalat hamari hai shaam-o-sahar
aaNkh bheegi huii , chehraa utraa huaa
khat jalaa daale tasveereiN bhi phaaD diiN
dil se yaadeN na ho paayiiN phir bhii judaa
ab naa "maikasH" mulaaqaat hogi kabhii
un kaa kuchh, meraa kuchh ho gayaa raastaa
maikasH
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
|
|
|
|
|
Registered User
Offline
Posts: 36
Join Date: Sep 2002
Location: Kerala
Rep Power: 0
|
badia sher -
28th September 2002, 01:45 AM
bahut acche likte ho, keep it up!!
|
|
|
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
28th September 2002, 02:18 AM
shukriay sahab....bas koshish kar leta huuN
maikasH
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
|
|
|
|
|
Registered User
Offline
Posts: 176
Join Date: Oct 2001
Location: Canada,Vancouver
Rep Power: 24
|
hi -
28th September 2002, 02:25 AM
Hello Maikaish
Bahotha dino baad kuch apne likha hai. Its very well written as always.
Chota Sa Dil
"Work like you dont need money,
Love like you have never been hurt,
and
Dance like no one is watching."
"Janee kya likha hai us Rub ne apne kismat par, roz hathon ko dekh kar unee parne ke koshish karthe hai"
|
|
|
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
28th September 2002, 02:50 AM
"chota sa dil" saheba
sabse pehle to SSA kabuul kijiye bohat din hue aap jaise dostoN se dua-salaam hue......doosri baat ye ki ab to aap apna naam badal hi daaliye kyUnke maiN aaj doosri dafaa aapse ye guzaarish kar raha huuN...maine pehle bhi shayad aapse kaha tha ka ki aapka dil harghiz bhi "chota" nahiiN hai....
ba-har-haal ghazal pasaNd farmaane ke liye mera shukriya tasleem kijiye
maikasH
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
|
|
|
|
|
Registered User
Offline
Posts: 12
Join Date: Sep 2002
Location: Ahmedabad Guj, India
Rep Power: 0
|
Gujara hua Kal -
4th October 2002, 12:33 PM
Hello Maikashji.....
Kya Kahe hum Appese Hum pata nahi, wah wah to sub bhejenge app ko to mere pass is ke alawa koi alphaas nahi,. sahi me sidhe dil se likhete hain app././..
***********Gujare Hua Kal Ki Yaad ati hai,kuch lamho se ankhen bhar ati hain , woh subah rangeen sham nirali dub jati hain , jub app jaise dosto ki yaad ati hai. M T
Monal
|
|
|
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
7th October 2002, 08:34 AM
Monal sahab
itni izzat afzai ka tah-e-dil se shukurguzaar huuN aapka....aapko ghazal qaabil-e-ga'ur lagi samajhiye mere mehnat zaya nahiiN gayi......dil se likhne pe ek baat yaad aayi :-
sau baar ye dil dard ki bhaTTi meiN jaley hai
tab aik ghazal husn ke saanche meiN dhaley hai
maikasH
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
|
|
|
|
|
Registered User
Offline
Posts: 99
Join Date: Mar 2002
Location: UK
Rep Power: 23
|
beautiful peom -
8th October 2002, 01:58 PM
hello maikaish ji
aap ki nazmain aur shayr padne ko bhut hi kam milte hain lakin hamesh badia hote hain
i hope ke aap bhut hi jald hamain ik aur aise hi shayr se navaaze gain
keep it up
bye
|
|
|
|
|
Ek Anjaan Shaks...
Offline
Posts: 497
Join Date: May 2002
Location: London (UK)
Rep Power: 23
|
adaab kabool kijiye -
8th October 2002, 04:02 PM
maikash sahab kaise hain aap janab apka kalaam bara bahut tareef ke kabil hai mashallah janab kuch humain bhi sikha dein plz likhte rahega kudha hafiz.............
Chal parin hain kashtiyaan samandar dur hai kinaara.....
in majon se puch lena kia haal hai hamaara....
______________________
Ashk bankaar woh mere chashm-e-tar main rehta hai....
ajeeb woh shaks hai jo pani ke ghar main rehta hai........
|
|
|
|
|
Registered User
Offline
Posts: 135
Join Date: Dec 2001
Location: Australia, Sydney.
Rep Power: 23
|
8th October 2002, 05:52 PM
Wah kya kahe...Aap jab bhi likhte hain bohoth hi acha likhte hain.
Keep writing
Amrita
|
|
|
|
|
Registered User
Offline
Posts: 7
Join Date: Sep 2002
Rep Power: 0
|
8th October 2002, 08:37 PM
Maiksah jee salam
dekha maikash jee main kehta tha ke log aapko bhoole nahin hain aap jaise shayar shayri.com pe aate hain yeh hamare khsuhkismti hai aapke sheyr dil ko choo jate hain itna dard hai aapki gazlon mein itni muhabbat itni wafa hai ke socha hoon vo kaun hogi jisne aap jaise insaan ko dukh diya hoga please let u sknow if u think thats not too much to ask aapko bura laga ho to chota samajh kar maaf kar dena
aapka chota sa fan
rahul
|
|
|
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
9th October 2002, 05:23 AM
neha saheba
tasleem
daad ka bohat shukria.....sunkar achcha laga ke aapko khaaksaar ki har ghazal pasaNd aati hai......Intehaayi mashkoor huuN aapka
aapne mere kam likhne ki jaanib ishaara kiya hai to aisi baat nahiiN hai jee.....likhta to huuN lekin post zara kam karta huuN.......aur waise bhi ustaad jee kaha karte haiN ke bhai quantity ki jagah quality pe zor dijiye....ab ustaad-e-mohtaram ki baat na suneiN to kya kareiN.....
doosra reason ye hai ke kabhi yahaN maiN har roz ek na ek ghazal post kiya karta tha lekin un dionoN yahaN sabse jaan-pechaan thi magar aaj-kal sab dost aisey haiN ke jinse ek dafaa bhi baat nahiiN huii......zara tamaam mehfil se ta'ruff ho jaye phir aapse vaada raha ke maiN baqaiida se haazir hua karuNga naaye kalaam ke saath
maikasH
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
|
|
|
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
9th October 2002, 05:28 AM
salman sahab
aadaab
bhai maiN to achchaa huuN aap kahiye kis tarah guzar rahi hai....?
taariif ka bohat hi shukria miyaaN.....!!
aur rahi sikhaane ki baat to bhai maiN to khud abhi seekh raha huuN......!!
aur aapka private message mila tha mazrat chahta huuN ke jald jawaab na de paya......uski wajah ye thi ke mujh nalaayaq ko aapki pareshaani samajh nahiiN aayi aapse darkhuvaast hai ke phir se mujhe mail ya message meiN "tafseel" se likh kar bataiiye ke maiN aapse kis kaam aa sakta huuN......maiN apni taraf se har koshish karuuNga....!!
maikasH
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
|
|
|
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
9th October 2002, 05:30 AM
Amrita jee
aapne ghazal pasaNd farmaayi to samjhiye ke mera dil reh gaya ke meri mehnat bekaar nahiiN gayi.....shukurguzaar huuN aapka
maikasH
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
|
|
|
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
9th October 2002, 08:23 AM
ashk sahab
namaste
bas bhai bas....ab itni taariif ka kya karuNgaa maiN....?
itni muravvat se mat pesh aayiye....hum jaisoN ka kya hai aaj yahaN haiN ..."kal nahiiN"
aapne itni badii email bhi jo bheji hai maine abhi padhii.....aur jistne sawaal aapne puucHe unka sabka jawaab dena mere liye shayad mumkin na ho.........
aapne farmaya ke :=
"vo kaun hogi jisne aap jaise insaan ko dukh diya hoga"
maiN ko itna bhi achcha insaan nahiiN huuN ke mujh dukh na mileN......aur phir dukh mujhe raas bhi bohat aate haiN aur duaa kijiye ke raas aate raheN varna maiN ghazleN kahaaN se likhuNgaa aur hamari-aapki mulaqaat kaise hogi........baaqi ke sawaaloN ke jawaab maiN aapko email kar duuNga......
philhaal khaas taur se aapke liye chaNd ghazleN post kiye jaata huuN....shayad aapko mujhe samajhne meiN kuch aasaani ho....mulaizaa kijiye ......
ziNdaa raheN to kyaa hai jo mar jaayeN ham to kyaa
duniyaa meN Khaamoshii se guzar jaayeN ham to kyaa
hastii hii apanii kyaa hai zamaane ke saamane
ek Khvaab haiN jahaaN meN bikhar jaayeN ham to kyaa
ab kaun muNtazir hai hamaare liye yahaaN
shaam aa gaii hai lauT ke ghar jaayeN ham to kyaa
[muNtazir hona = intezaar karna]
dil kii Khalish to saath rahegii tamaam umr
dariyaa-e-Gam ke paar utar jaayeN ham to kyaa
.................................................. .......................
toDnaa TuuTe huye dil kaa buraa hotaa hai
jis kaa koii nahiiN us kaa to Khudaa hotaa hai
maaNg kar tum se Khushii luuN mujhe maNzuur nahiiN
kis kaa maaNgii huii daulat se bhalaa hotaa hai
log naahak kisii majabuur ko kahate haiN buraa
aadamii achchhe haiN par vaqt buraa hotaa hai
kyoN Munir apanii tabaahii kaa ye kaisaa shikavaa
jitanaa taqadiir meN likhaa hai adaa hotaa hai
.................................................. ..........................
Khush rahe yaa bahut udaas rahe
zindagii tere aas paas rahe
chaaNd in badaliyoN se nikalegaa
ko_ii aayegaa dil ko aas rahe
aaj ham sab ke saath Khuub haNse
aur phir der tak udaas rahe
lijiye aapki aik aur shikayat/farmaayish duur ho gayi aur bina kahe meri daastaaN bhi bayaaN ho gayi....!!
aapka khat ka jawaab jald dene ki koshish karuNga.....der ho jaaye to muaaf kijiyega
maikasH
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
Last edited by maikasH; 9th October 2002 at 08:26 AM..
|
|
|
|
|
Registered User
Offline
Posts: 12
Join Date: Sep 2002
Rep Power: 0
|
12th October 2002, 06:56 AM
Maikash sahab
kya baat hai
kya kehne janaab
mashah allah maza aa gaya , kya khoob likhte hain aap
dard ka samandar bikhra pada hai aapki nazmon aur ghazlon mein
umeed hai jaldi aap ek aur ghazal.nazm sunaenge
salaam
qamar
|
|
|
|
|
Registered User
Offline
Posts: 7
Join Date: Sep 2002
Rep Power: 0
|
12th October 2002, 02:06 PM
Thanks Maikash ji
aapne mere swaalon ka jawab diya uska bahut shukria lekin phir be aap mera main swaal taal gaye hain aapne apni inspiration ke baare men kuch nahin bataya kaun hai , kahan hai ???
i can guess from the gazals that u posted for me in your reply that you life or love has not treated to fairly and perhaps you have lost hope but Maikash ji life goes on , i'm sure and i will pray to god that you find someone soon who can fill that gap in your heart
aur aap aisi baaten mat kijye ke aap "kal" yahan nahin hoge,bhagwaan aapko lambi umar dega .
i'm in a little hurry today i will reply to your comments propely next time
rahul ashk
|
|
|
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
13th October 2002, 09:58 AM
qamar sahab
aadaab tasleem kareiN
is haqeer se Ghazal ko qaabil-e-daad samjhate hue aapne apna qeemati waqt kharch kiya uske liye bada mashkoor-o-mamnoon huuN
GhazloN meiN dard ke samandar ke baare aapne zikr kiya to uske jawaab meiN maiN aapko apni ek nayi ghazal ke do she'r sunaata huuN ....mulaizaa kijiye :-
jo daag dil pe laga hai voh cHupaauN kaise ??
jo mere saath huaa hai voh bhulaauN kaise ??
meri aawaaz meiN chhalle haiN meri rooh pe zakhm
maiN tumko pyaar bhare geet sunaauuN kaise ??
lijiye shayri ne ek dafaa phir meri mushkil hal kar di
maikasH
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
Last edited by maikasH; 13th October 2002 at 10:02 AM..
|
|
|
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
13th October 2002, 10:32 AM
Ashk sahab
namaste
ab saaloN puraani baat ka aapse kya zikr karuN....?
aur voh bhi sab ke saamne.....?? shayad munaasib na ho.....isliye aapse guzaarish hai aise sawaal mujhe na puucheN to badi inayat hogi aapki....!!
bhai ab to kisi ka iNtezaar ....kisi ki talaash bhi nahiiN to kisi se milna kya.....?.....jis tarah ab tak katii hai aage bhi kat jaayegi.......aapki duaaoN ka dil ki gehraiiyoN se shukurguzaar huuN.....mujhe khabar nahiiN thi ke yahaaN itni muravvat milegi varna maiN kab ka laut chuka hota
rahi lambi umr ki baat to sahab aap ye duaa kisi zarooratmaNd ko dijiye mujh jaisa shakhs itni lambi umr ka kya karega.....jitni lambi umr hogi , raNj-o-Gham ki qataar bhi utni hi lambi hogi......!!
ziNdagi se ya kisi se bhi koi gilaa nahiiN....haaN khud se zaroor hai......maiN to ab bas shayri se dil behla leta huuN......Gham se dil lagaiiye to khushi na milne ka dukh nahiiN hota.....ye she'r suniye shayad aap behtar samajh paayeN :-
badan me.n aag sii cheharaa gulaab jaisaaa hai
ke zahar-e-Gam kaa nashaa bhii sharaab jaisaa hai
phir mulaqaat hogi
maikasH
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
|
|
|
|
|
Registered User
Offline
Posts: 4
Join Date: Nov 2002
Rep Power: 0
|
beautiful -
3rd November 2002, 05:51 AM
hi maikash
i have read all your poetry and i could not help myself from writing few words of ackwoledgement. i must say that i was deeply touched by your words , bothe poetic and non-poetic.
i admire your talent
please keep writing
bye
kiran
|
|
|
|
|
Paigaam-e-Aman
Offline
Posts: 2,689
Join Date: Oct 2004
Location: Patiala, Punjab, India. Now:Pune, India
Rep Power: 26
|
27th April 2005, 04:26 PM
kiski chaukhaT pe hum jaan deNge sanam
gar na humko milaa tere Ghar ka pataa
Maikash ji....
aaj poorane paane chaant raha tha.... to aapka ye kalaam padne ko mila.....
sharaabi shahab ne sahi farmaya tha......aapki nayi post pe.....
ek deewana pan hai is kalaam mein......
**(*·.¸(`·.¸ ¸.·´)¸.·*)**
*·.¸Paigaam -e- Aman¸.·*
**(¸.·´(¸.·* *·.¸)`·.¸)**
~*~*~*~*~*~*~*~*~*~*~*~*~*~*~*~*
inhan ankhaaon vicho kadi, tere hanju vaghe si.....
aaj ki hoye, jehda ^AMAN^ da lahoo vagda ae......
AMAN RAHI
|
|
|
Thread Tools |
|
Display Modes |
Rate This Thread |
Linear Mode
|
|
Posting Rules
|
You may not post new threads
You may not post replies
You may not post attachments
You may not edit your posts
HTML code is Off
|
|
|
Powered by vBulletin® Version 3.8.5 Copyright ©2000 - 2024, Jelsoft Enterprises Ltd.
vBulletin Skin developed by: vBStyles.com
|
|