 |
|
|
|
|
|
|
 |
 |
rani aur garima |
 |
|
 |
|
(#1)
|
|
Registered User
  
Offline
Posts: 5,436
Join Date: Dec 2002
Location: mumbai
Rep Power: 35
|
rani aur garima -
20th March 2005, 08:46 PM
mere sabhi dost,
yaha aaj garima aur ooski dost rani ki baat le kar maie aayi hu... mera kuch bhi nahi hai yaha par... garima ke ahesaas ko maine shabd roop diya hai aur kahi kahi garima ke khud ke hi shabd rakhe hai........ kareeb 9 saal pahlay ki baat hai.. aaj bhi jaise mere liye woh waqt khada ka khada hai........ wahi par ... jaha se train ki chikh k sath rani aur mere bich ek antar badhta gaya... badhta gaya... par ab bhi rani ko itne saal k baad bhi sochti hu to lagta hai k woh shayed station par ab bhi khadi hai meri raah takte... ooski aankhe nam hai... oon dino ki baat hai jab maie 8th claas maie padhti thhi..kadkadti thhand maie... ek par ek teen swetar pahan kar.. aur hath pair bhi dhakae huae.. ghar se baahar nikli school ko jaane ke liye.. thhand ki lahar daud oothhi mere saare badan maie.. par thhoda hi aage chali thhi ke kya dekhti hu… mujse bhi chhoti bachi.. itni thhand maie … shareer par sirf ek fati hui froke pahne huae uplae banane ka kaam kar rahi thhi… maie sihar oothhi… mano ..ooske badan ki thhand muje lag gayi.. gaur se oose dekha… thhand se kala pada huaa thha ooska chehra aur.. ooske rom rom khade ho gaye thhe.. n janae kya thha oos maie jo muje khinch raha thha oos ke paas.. par rukna mere liye sambhav nahi thha… kuhra badh raha thha… raste bhi saaf nazar nahi aa rahe thhe .. school ko der ho gayi to.. to… mastarji ki chhadi yaad aate hi maie aur bhi kaamp gayi aur waha se chal padi.. agali subah jab school ke liye taiyaar ho rahi thi to maa ne bataaya ki aaj koohara bahoot jyada hai cycle thik se chalaana. maine haa me sir hilaaya aur nikal padi. maine socha ki aaj wo ladaki bahar nahi dikhegi aakhir usake ghar waalo ko bhi to usaki chinta hogi na. baahar thhand aur bhi tez thhi…. mera rom rom sihar oothha.. par maie galat thhi… us din bhi wo bahar upale bana rahi thi …jivan ke kai sach aise hote hai jinse hum pahli baar milte hai to yakin nahi ho pata ke aisa bhi hota hai… khair..oos waqt to sach ki yah soch mere sath n thhi kyunki maie khud ek bachi thhi… jo masterji ki chhadi ki yaad matr se dar ke saham jaati thhi.. par aaj oos dar se bhi bada sach dekh kar maie saham gayi.. is drashya ke saamne maie sab bhul gayi.. school ka waqt ho jaayega yah bhi yaad n aaya.. yakinan kuch to khinchaav thha oos maie.. maie aage badh n saki. “tumhara naam kya hai?” mere sawaal ne mano oose chonka diya.. “raani” “kaha rahti ho?” ek aur sawaal… ek aur aascharya mere sath ho chala.. gaav se door kahi ooska ghar thha. “to kya tum itni door se aati ho? par kyun?” “uplae ikkathhae karne.” shayed aur kuch bhi kahna chahti thhi … ooski aankh ki fikii chamak ne bataya par who choop thhi…. shayed mera yunh sawaal karna hi oose ajiib lag raha thha. “tumhe thhand nahi lagti” mera sawaal mano bumreng ki tarah mere paas laut aaya thha. yah kaisa faltu sawaal puch baithhi maie… who choop rahi… kya jawaab deti? ek bevkoof se sawaal ka.. ab aage kya sujta mujko… puch hi liya.. baal sahaj shayed ab yahi sawaal aana thha… “tumhe bhukh nahi lagi?” lagi hai tabhi to uplae jama karne aayi hu. ghar le jaaungi tabhi to khana banega .. fir khayenge.. maine oose mera tiffin dete huae kaha, : “ yah lo kha lo.” ek baar fir naya jawaab paya maine.. ghar par maa – babuji bhi to bhukhe hai… maine kaha k aaj itna le lo.. maie tumhare maa – babuji k liye bhi le aaungi.. oose yakin nahi aa raha thha.. kaha: “ tumhe school ko der ho jaayegi tum jaao.” maie bhi to ziid se oos k hath maie mera tiifin thhama hi gayi.. shaam ko wapasi par tiffin lautane ko kah diya oose. aglae din maie tiffin maie 12 roti daali to maa ne puchha ki 2 roti to kha nahi sakti itni saari kyun le ja rahi ho? maa se juth kaha…. hum sab mil kar khane waale hai claas maie isi liye… fir koi sawaal nahi ootha.. ek chhota sweter bhi sath le liya.. aur maie chal padi.. raste par oosi moad par muje mil gayi. maine swetar aur roti di to muje puchaa: “tum muje madad kyon kar rahi ho? maa ne puchaa hai.” maine kaha : “ tum meri dost ho is liye.” “kya tumhare aur dost nahi?” “nahi” maine kaha aur maie school k liye chal padi. thhodi door ja kar maine pichhe mood kar dekha to wo meri aur hath hila rahi thhi. is tarah meri aur rani ki dosti suru hui. maie aksar oose mere poket money se bhi madad karti rahti. ek din mere ghar maie utsav thha to maine oose kaha ki “ tum mere ghar aana aur apne maa – babuji ko bhi le aana.” “ maie kaise aa sakti hu?” ooski aankhe aur jubaan bol padi.. “ tumhari sab hansi oodayenge…..” is par maine fir ziid ki aur oos se wada liya ki who jaroor aayegi. mere ghar aayi humne kaafi masti ki usaki maa mere ghar ki auraato ko kaam me haath bata gayi aur babuji ne bahar ka kaam sambhaala sab kucch achha gaya… ek din wo boli ki tum bhi mere ghar aana lekin mere ghar me tumhe khilaane ke liye kucch nahi hai tum to achha khaana khaati ho hum log to mota khaana khaate hai. shaam ko raani ke ghar pahoochi wo ghar par hi thi mujhe dekh ke has padi fir udaas ho gayi . mai bhi khinn thi kyunki wo us saal ki humaari mlakaat thi exam pura ho gaya tha chhuti ho chali thi mujhe ab apne father ke saath city aana tha. maine usako bola raani uhi dekhati rahegi mujhe bhook lagi hai, wo has padi tumhari maa to kahati hai ki tum jyada nahi khaati lekin tum apne bhookh ko kaaboo me nahi rakh paati ho. maine jara sa jhook ke swikrokti sir hilaaya to hum dono has pade. andar gayi lekin bahar nahi aa rahi thi fir mai khood hi andar gayi..aur jo kucch mila khaane ke liye khood hi nikaal liya bartan bhi mitti ka hi tha to foot na jaaye isliye aram se hi nikaala . khaaya kucch baate ki tab taak suraj doobane ke kagaar par aa gaya. “ raani ab mujhe chalna hoga” “ haa jaa der ho rahi hai” “ are , raani tere maa papa kaha hai?” “saamne kheto me kaam karane gaye hai” “ achha sun mere papajee aa gaye hai kal mai sahar jaa rahi hu…” ye sun usaki aakhe bhar aayi “fir kab aaogee” “pata nahi” fir koi baat n ho paayi… maie maun chal padi… kuch door chali to pichhe se aahat aai.. mood ke dekha to rani bhagi aa rahi thhi. maie rook gayi. “ab ki train hai tumhari?” maine kaha, : “ dophar ke 12 bajae ki…” woh wapas laut gayi.. aglay din station par train chhutne par thhi ke rani bhagti hui meri taraf aa rahi thhi… mere liye shayed kuch laayi thhi… par mere paas aa kar maun khadi rah gayi… ooski aankho se do boond gaal tak sarak aaye.. maine oos k hath se wo packet le hi liya.. mere liye laayi ho?? par who choop…. oos ke sath ooski maa bhi aayi thhi.. kaha “ beti, n jaane tumhare liye oosne kya kya jama kiya hai…” maie train maie aur woh station par…. koi baat nahi ho paayi … par humari aankhe… jab tak nazar padi ek doosre ko takti rahi………yah humari aakhri mulakaat thhi… kuch waqt gujar gaya…. koi khaas khabar nahi juta paayi rani ki….kuch waqt pahlay pata chala hai ki ooski shadi kara di hai…. a re haan… aapko jaanna hoga na… rani ne muje kya diya thha……. alag alag kai suhane phool paudho ke biij… jo hawa ooda laati hai yaha waha se… rani ne badi sift se mere liye ikkathhe kiye thhe….. mere aangan maie rani ki yaad khushbu ban kar lahrane lagi………. |
|
|
|
 |
 |
 |
|
|
|
|
|
|
(#2)
|
|
Registered User
Offline
Posts: 5,436
Join Date: Dec 2002
Location: mumbai
Rep Power: 35
|
20th March 2005, 09:04 PM
garima,
rani se milaya is liye shukria kyaa adaa karu..... woh jaha kahi bhi hogi khush ho yahi prathna......... kitni aam ladki aur oosne tumhare pyaar ke badlae kitna pyaar ulecha...... bahut hi soondar...... maa |
|
|
|
|
|
|
|
|
|
|
|
|
(#3)
|
|
Registered User
Offline
Posts: 3,937
Join Date: Dec 2003
Rep Power: 32
|
21st March 2005, 03:59 PM
Hi Meena di aur Garima,
Aap dono ka hi shukriya Rani se milane ke liye... I am tahnkful to you and very glad that i read it aur ...bus kya kahoon...soch mein hoon abhi tak...pehle aya tha padhne ...padha...phir doobara padha Thanks Rohin |
|
|
|
|
|
|
|
|
|
|
|
|
(#4)
|
|
Paagal Pathik
Offline
Posts: 1,997
Join Date: Jan 2005
Location: In the heart of universe
Rep Power: 26
|
21st March 2005, 04:04 PM
Maa,
Bahoot bahoot shukriya, in bichade ehsaaso ko aapne sabdo ke jis saanche me daala hai usake liye bhi aur meri dost raani ko itane pyaar se samajhane ke liye bhi. Maa raani sadharan ghar me pali thi lekin jis hisaab se usane mere dosti ka pratidaan diya tha utna pratidaan to aaj achhe se achha aadmi bhi nahi de sakta. shayd mai bhi nahi... aapka sneh meri dost ko mila isase badi baat kya kahoo yehi saabit karta hai ki wo koi sadharn ladaki nahi hai balki ab to asadharan ho gayi hai. aapke neh aur pyaar me aapka bacha |
  |
|
|
|
|
|
|
|
|
|
|
(#5)
|
|
Registered User
Offline
Posts: 2,628
Join Date: Jul 2002
Location: New Delhi
Rep Power: 34
|
22nd March 2005, 06:41 PM
Rani or Garima....waakai bachpan ki yaadoN ko taaza karti or ab tak bheetar baithe us bachche ko bhaawuk kar gai.....ise Meena ji aapka kahaani kehne ka andaaz kahooN ya....Garima ka kathan...donoN hi khoob pasand aaya.
in yaadoN ko hamaare saath baantne ke liye aap donoN ka shukriya. Chaand Anjaam sochkar, aksar khaamosh hi reh jaate haiN. - Chaand |
|
|
|
|
|
|
|
|
|
|
|
|
(#6)
|
|
Registered User
Offline
Posts: 2,814
Join Date: Nov 2003
Rep Power: 27
|
22nd March 2005, 08:20 PM
Meena ji...
shukriya aapka aur garima ka ki rani se yoon mulaqaat ho paayi...apke shabdon se wo sakaar ho mere saamne khadi ho gayi thee...uske liye duaayein nikal rahi hain... paras gayi ruton ka sulagataa sa intezaar bhii ho mere khuloos kaa andaaz ye bhii sachhaa hai rakhuun na rabt magar dostii shumaar bhii ho --Sayyidaa Fatimaa Hasan |
|
|
|
|
|
|
|
|
|
|
|
|
(#7)
|
|
|
Registered User
Offline
Posts: 5,436
Join Date: Dec 2002
Location: mumbai
Rep Power: 35
|
22nd March 2005, 08:44 PM
Quote:
rohin, meri meeli ko jab garima ne padha to oosne rani ka jikr kiya thha... muje laga ki rani aur garima ki dosti ko sabse pahchaan karaau..... di |
|
|
|
|
|
|
|
|
|
|
|
|
|
(#8)
|
|
|
Registered User
Offline
Posts: 5,436
Join Date: Dec 2002
Location: mumbai
Rep Power: 35
|
22nd March 2005, 08:57 PM
Quote:
meri garima, mera sneh humesha tumhare sath rahega hi...... maa |
|
|
|
|
|
|
|
|
|
|
|
|
|
(#9)
|
|
|
Registered User
Offline
Posts: 5,436
Join Date: Dec 2002
Location: mumbai
Rep Power: 35
|
22nd March 2005, 08:59 PM
Quote:
mere chaand, likhte waqt tumhare phool aur maere charo namuno ke laaye phoolo ki khushbu bhi sath hi thhi.......... aaj bhi aap sab ki yaad oos sukhe phool ki patti maie paati hu... tumhari meena |
|
|
|
|
|
|
|
|
|
|
|
|
|
(#10)
|
|
|
Registered User
Offline
Posts: 5,436
Join Date: Dec 2002
Location: mumbai
Rep Power: 35
|
22nd March 2005, 09:05 PM
Quote:
meri paras, rani ko duwaa pahunchni hi hai ....... hai na? tumhari maa |
|
|
|
|
|
|
|
|
|
|
|
|
|
(#11)
|
|
Humanity
Offline
Posts: 6,227
Join Date: Aug 2003
Location: Delhi
Rep Power: 42
|
23rd March 2005, 02:46 PM
Didi!!
Aankhen bhar aayin ise padhne ke baad...Vaakayi Dil ke rishte bhi ajeeb hote hain...Kab koi itna kareeb aa jaaye nahi maaloom... Raani se milkar accha laga.. thanks to you and Garima....  Jab itni acchi dost hai uski uske liye sochne ko, to woh jahan bhi hogi khuhs hi hogi.... Hum bhi dua hi kar sakte hain......Lagta hai is baar "Pulkit", kismat teri bhi rang laayii hai |
|
|
|
|
|
|
|
|
|
|
|
|
(#12)
|
|
Sifar
Offline
Posts: 4,757
Join Date: Aug 2004
Location: Dubai, UAE
Rep Power: 41
|
23rd March 2005, 06:51 PM
sabkuch bhaijaan....
shayad kuch kehne ki jaroorat nahi ... yahaN .. maiN janta huN aap mujhe acche se samajhti hai .... bas yahi kahunga... kash har dil ye narmai samajh paye ... aur uspar amal kar paye ... aur garima beta ... tumhare eshsaoN se wakif huN maiN .. tumhare dil se bhi ... janta hun rishte bhi jaldi bana leti ho tum ... tabhi shayad raani ko apna payi ... par yahaN rani ko bhi manna padega ... ki usne tumhare liye izzat humesha rakhi ... aur dosti ka har farz poora kiya ... aur aisi nishani dene maiN kamyab rahi jo humesha tumhe uski yaad dilayeNgi ... uske liye dua raheGi bhagwan se.. bhaijaan yuN hi likhte rehna ... aapka beta kunal Hai 'sifar' bhi reyazi ka hissa.. Shayrii bhi hisaab ki hogi.. |
|
|
|
|
|
|
|
|
|
|
|
|
(#13)
|
|
|
Registered User
Offline
Posts: 5,436
Join Date: Dec 2002
Location: mumbai
Rep Power: 35
|
24th March 2005, 09:53 AM
Quote:
mere pulkit, haan... dil ke rishte ajib hote hi hai... aaj bhi woh sabhi bache jo adopt ho gaye hai... nahi bhul paayi oonhe... rani ki khubsurti ooska dil hai... woh jaroor khush rahe hum sab ki duwaa oos k liye.... di |
|
|
|
|
|
|
|
|
|
|
|
|
|
(#14)
|
|
|
Registered User
Offline
Posts: 5,436
Join Date: Dec 2002
Location: mumbai
Rep Power: 35
|
24th March 2005, 09:58 AM
Quote:
mere kunal, sach kahte ho...... sab yah namii samaj paaye to ... rani aur garima in dono ki dosti ka palaa bahut hi bhari hai... in ko maapna ho to pyaar ke siva koi cheez kaam nahi aayegi..... tumhari ......... |
|
|
|
|
|
|
|
|
|
|
|
|
|
(#15)
|
|
Registered User
Offline
Posts: 5,436
Join Date: Dec 2002
Location: mumbai
Rep Power: 35
|
24th March 2005, 10:12 AM
meri garima,
bedil ko jab rani aur tumhari baat bataai... to oosne khas tumhare liye kaha hai ki ...tumse pata nahi kab baat ho paaye par .. tumhare dil ki yah gahraai chhu gayi hai.. 11 saal ki umr maie .. ek aisi dost banana ... jise shayed ghar maie achha na lage, dosto maie achha n lage, koi kya kahega aise kisi dar ke dabaav maie n aa kar.. oose dost banana... apne aap maie badi baat hai..... rani ne tumhari dosti ko jukne nahi diya.. yah ooski dil ki gahraai... bedil ke ahesaas bilkul to saamne nahi rakh paayi fir bhi ek koshish............ bedil ki maa |
|
|
|
|
|
|
|
|
|
|
|
|
(#16)
|
|
Paagal Pathik
Offline
Posts: 1,997
Join Date: Jan 2005
Location: In the heart of universe
Rep Power: 26
|
29th March 2005, 08:33 PM
Maa,
Bedil bhai ki ye baat jaane kayi baar padhi. har baar padhati hoo aur sochati hoo ki kya reply doo atlast kuchh nahi soojha. abhi sahi apne dil ki baat hi kah de rahi hoo. jab us waqt raani ko apna dost banaaya tha to maine kuchh nahi socha tha. mere dimaag me ghar ka ya dosto ke hasi udaane ka darr nahi tha bas ek hi baat socha tha ki ek mai hoo aur ek ye hai. jaise mujhe thand lagati hai bhookh lagati hai waise ise bhi lagati hogi. aur agar mere paas ye suvidhaaye hai to isake paas kyu nahi hai? agar nahi to kya ye mera farz nahi banata ki mai jitna tak de sakoo de doo. us waqt aur koi khayaal man me nahi aaya tha haa usake baad kayi aise dost mile jinhe dost banaate waqt in sab sawalo ka jawab khood se maangana pada tha lekin us waqt bhi apne aapme maine koi bahoot bada kaam nahi kiya tha. karane waale to bahoot kuchh kar jaate hai mai to shayad raani ko bich me adhura hi chhod kar aa gayi thi . aaj bhi mujhe jab Raani yaad aati hai to saath me dher saari yaade gher leti hai lekin yaado ke sahaare jindagi nahi kaati jaa sakati hai. haa Raani ki yaad mujhe is baat ka andaaja jaroor dilaati hai ki aaj bhi Raani jaisi kayi ladkiya hai ab mai sochati hoo ki aiye kaash wastaw me mai un sabke liye kuchh kar paaoo. pata nahi mai is abhiyaan me safal ho paaoongee ki nahi is baat ki chinta nahi hai lekin apni mehnat humesha jaari rakhoongee is baat ka dhridh wishwaas hai. aapka bacha |
|
|
|
|
|
|
|
|
|
|
|
|
(#17)
|
|
Registered User
Offline
Posts: 5,436
Join Date: Dec 2002
Location: mumbai
Rep Power: 35
|
29th March 2005, 08:54 PM
pata nahi mai is abhiyaan me safal ho paaoongee ki nahi is baat ki chinta nahi hai lekin apni mehnat humesha jaari rakhoongee is baat ka dhridh wishwaas hai.
meri garima, bilkul........ yahi wishwaas hume raah par sath dega... roshni dega.... manjil bhale hi door ho ... kadam chalte rahe yahi prathna... maa |
|
|
|
|
|
|
|
|
|
|
|
|
(#18)
|
|
Registered User
Offline
Posts: 3,305
Join Date: Jun 2004
Location: Florida,USA
Rep Power: 26
|
16th July 2005, 02:56 AM
Dear Meena di and Garima ji...
Garima ji aur rani ji ki dosti ka parichay karaane ka bahot bahot sukriya... Raani ji ki yaadein Garima ji ke aangan mein aur hum sab doston mein mehkti rahegi..... Khush rehna! |
|
|
|
|
|
|
|
|
|
|
|
|
(#19)
|
|
|
Registered User
Offline
Posts: 5,436
Join Date: Dec 2002
Location: mumbai
Rep Power: 35
|
20th July 2005, 11:09 AM
Quote:
priy parul, yah mithi yaade hi jivan ki khushiya banti hai. hai na? di |
|
|
|
|
|
|
|
 |
«
Previous Thread
|
Next Thread
»
Linear Mode
|
|
|
Similar Threads
|
||||
| Thread | Thread Starter | Forum | Replies | Last Post |
| ~~ Rani is back ~~ | Rani | Shayri-e-Ishq | 13 | 22nd September 2003 04:05 PM |
| Raja aur Rani | Raja | Shayri-e-Ishq | 0 | 24th June 2003 04:25 AM |
| rani | kanhajee | Shayri-e-Ishq | 0 | 21st January 2003 03:14 PM |
| rani | kanhajee | Shayri-e-Ishq | 0 | 20th January 2003 09:45 PM |
| Raja ki ek Rani........ | Ghalib2 | Shayri-e-Ishq | 0 | 13th November 2001 09:55 PM |
Powered by vBulletin® Version 3.8.5
Copyright ©2000 - 2024, Jelsoft Enterprises Ltd.
vBulletin Skin developed by: vBStyles.com
Copyright ©2000 - 2024, Jelsoft Enterprises Ltd.
vBulletin Skin developed by: vBStyles.com
