NaaZuki-- -
26th October 2005, 10:29 PM
Meri pehli Kahaani- NaaZuki
dheere dheere aage badh rahi hai, Ussi ke beech me se ek hissa aap sab ke saath share kar raha houn
---------------------------------------------------------------------
Sangram singh ke jaate he raaghav unn kaagaz ke purzon ko khol khol ker dekhne lagaa , shayad ye wo khat thai jo kissi ke liye likhe gaye thai … magar ussko diye nahi thai, yakayak dairy haath aayi.. jissme kaafi kuch alag alag tarah se likha gayaa thaa, or kuch contact no.s bhi thai,naamo ke saath… pen se kuch tasveeren banaane ki koshish ki gayi thee sabse jyada joker ki tasveeren thee,jo ki tedhi medhi bani hui thee .. idhar se udhar
Or kuch choti moti shayri bhi thee
Raaghav ko lagaa ki shayad iss diary se usske vyaktigat sambandhon ko jaanne me madad mil sake or shayad ye pata chal sake ki wo kiss tarah ki maansik avastha se guzar rahi thee,
Diary kholi .. Pehle page per likha thaa
Wo dekho jal raha hai suraj ,duniya me roshini kar raha hai suraj
Shayad ander bujha huaa hai,Phir kya hai isme jo jal raha hai
Meri tarah hai adhoora suraj meri tarah hai akela suraj
Phir bhi dekho jal raha hai suraj duniya me roshini kar raha hai suraj
Ik rang fizaa me fail raha hai,ik dard hawaa me fail raha hai
Jaane kitni he sadiyon se,jal raha hai mere intzaar ka suraj
samander nigal raha hai suraj,rang apna badal raha hai suraj
Meri tarah hai adhoora suraj meri tarah hai akela suraj
Aaj qayamat aa jaayegi,ye tanhai mujhko khaa jaayegi
Meri aankhon ke paani se,bujh raha hai teri yaad ka suraj
Ik adhoori ghazal raha hai suraj,mujhme pighal raha hai suraj
Meri tarah hai adhoora suraj,meri tarah hai akela suraj
Nicche likha thaa… NaaZuki Ek Adhoora naam
NaaZuki Ek adhoori kavita
karan.q
Fainsle Qayamat taq multavee ho gaye
Sach kahe na gaye to shayri ho gaye
Mai or samander,do gehre khwaab khuda ke.....
|