|
|
Shayri.com Moderator
Offline
Posts: 10,551
Join Date: Aug 2006
Location: INDIA
Rep Power: 59
|
Ghazal: ab Zindagee meiN meri koee KhwaahiSheN baaQee nahiiN...! -
11th January 2013, 11:35 PM
Mere Pyaare dostoN:
Namaskaar aur Aadaab !!
maiN haaZir huuN bazm meiN apnii aik taazaah Ghazal ko lekar... Ghazal meiN pehlii baar maiN apnaa aik alag hi taKhallus istemaal karne jaa rahaa huuN... "JOSH".. naye taKhallus ke saath yeh merii pehli Ghazal haii to mujhe baDii KhuShii bhee ho rahiiN haii... ees ke liye maiN tah-e-dil se "maikasH" bhaiyaa ka ShukraGuzaar huuN... mere liye KhuShkismatee kee baat hai kee "JOSH" taKhallus unhone diyaa !! warnaah maiN to soch meiN hi thaa ... maikasH bhaiyaa aapko pareShaaN kartaa rehtaa huuN mwaafi merii pehli Ghazal naye taKhallus ke saath aapke naam !! koShiSh karuungaa aage aur bhee mehnat karuuN... dostoN ummid kartaa huuN aapka jo pyaar aur saath milaa hai aage bhee yuuNhi miltaa rahengaa... aur aapko merii yeh Ghazal pasaNd aayegee.. mulA'iizaa farmaa'iiyeN...!
**************************************
beh'r hai:2212 / 2212 / 2212 / 2212
**************************************
ab Zindagee meiN meri koee KhwaahiSheN baaQee nahiiN
jiss ke liye thee KhwaahiSheN wo lauT ke aayee nahiiN
Ye pyaar kyaa haii cheez ees meiN bhalaa kyaa baat haii?
maiN faasalaa raKhtaa huN ke ees sey mi’ree yaaree nahiiN
Ke dosatoN ne thaa kahaa tuu pyaar karnaa naa kabhee
Jab vaar ye kartaa hai to jaataa kabhee Khaalee nahiiN
wo chaahatee hongee mujhe Khud se bhi zyaadaaH haii yaqeeN
Shaayad tabhee ussne mi’ree kasmeN kabhee Khaayee nahiiN
maiN huuN safar wo jiss meiN saaye bhee nahiiN aate naZar
Khud humsafar huuN Khud hi kaa meraa ko’ee saathee nahiiN
Ye Zindagee ik raaz haii meeThaa bhi haii kaDwaa bhi haii
dil se jiyo to baat kya!! par dil hi to raaZee nahiiN
Uljhaa nahiiN haaraa nahiiN Shikwaa nahiiN taNhaa nahiiN
maiN “JOSH” huuN maayoos ho kar Zindagee kaaTee nahiiN
haii joSh meiN to joSh kee baateN nah kar ey! “JOSH” tuu
Shaayar hai tuu Shaayar hi reh daryaa hai tuu maajhee nahiiN
**************************************
*~*Dhaval*~*....Ek Ehsaas...
|
|
|