Some memories...

Pulkit_gupta · **Some memories... -** 13th May 2006, 10:26 AM

Firends,

Aaj kaafi time baad kucch likha hai... Of late everyone of us has become so busy, so occupied that no time left for each other even. aise me bachpan ke khayal aate hain jab sirf masti hi masti rehti thi.... just penned some of my experiences.....

=========================================

yaad aata hai kabhi kabhi bachpan kaa zamaanaa
befikr duniyaa se, khelna koodna masti manaanaa

woh har shararat par maa kaa aankhen dikhaanaa
aur har baar pitne se Amma* ka mujhe bachaanaa

wo rehnaa bhai ke peeche peeche banke poonchh
tauji* ka chhoti badhi baaton pe hume ladhvaanaa

har chhotii badii bimaarii par amma ka kholna petii*
aur raaton ko thakne par mera unke pair dabaanaa

dimaag rehnaa padhaaiyon se hardam koson door
aur woh Bio teacher ka "Blank Child" keh bulaanaa

Pahunch jaanaa school time se teen ghantaa pehle
aur faand deewaren volleyball court me utar jaanaa

woh daraa kar seniors ka chheen lenaa ball mujhse
fir mera bhai* ke haathon sab ki dhunai karvaanaa

Din wo khaas jab mili thhi mujhko merii apnii Cycle
aur shaan se pehle din school me use ghumaanaa

masti bhare pal thhe, masti bhara thha har taraanaa
aasaan lagtaa thha kitnaa zindagi kaa har afsaanaa

Khaatii-meethii chhotii-badii kucch baaton kaa maine
Bachpan naam se dil me chhupaayaa hai khazaanaa

=========================================

Amma* - My daadi (grand mother)
Peti* - her box of homeopathic medicines.
Tauji* - My uncle (Father's eleder brother)
Bhai*- not bhai as in Don... my elder cousin (Mine is a joint family... we stay togther)

shrdh · 13th May 2006, 11:27 AM

bachpan wo alhadh masti wo chhoti chhoti bataine nathkht hona

shratain maa ka gussa dadi ka laddh dular

tumne bhaut achha likha hai pulkit padhkar aankhein bhar aayi kassh bachpan ka bholapan kabhi jaaye hi na

shrdh

Vipinbox · 13th May 2006, 12:00 PM

Namaskaar Pulkit bhai,
Abhi kya kahun....bas aapki yeh panktiyaan ek anootha sangam hai zindagi ka. wo bachpan ki sharaaratein, wo larna-jhagrna, woh chupna-chupaana, woh raaton ko patthar se lychee ke gucchey giraana, woh Maa se dupak-kar Maa ko hasaana, woh 'home-work' na karna, Report card chupaana. Woh cycle se girna, baarishon per ucchalna.

Pulkit Bhai, main bahaut khusnaseeb hoon jo maine aapko parha. aapka bahaut bahaut dhanyavaad.

aapka
v i p i n

Rohin · **Re: Some memories... -** 13th May 2006, 01:17 PM

Hi Pulkit,

True... we all do hope that we can return to those days some day... fearless...innocent... full of energy... things change with time... but i hust hope we all can rekindle the child within us... for being a kid was the best time of our life....

Well written....

tc
Rohin

KunaaL · 13th May 2006, 01:19 PM

Pullu Bhai

Aur jeewan maiN bachta kya hai .. sivay yaadoN ke .. aur shayad bachpan ki yaad hi jeewan ki dharohar hai .. meri mubarak baad aapko ek saccha aur accha kalaam likhne ke liye ...

waise ek baat hai sab abhi tak kehte hai mera bachpan gaya nahi

aapko to jyada anubhav hai ... kyuN

apna khayal rakhiye

Kunaal

ranju bhatia · 13th May 2006, 03:46 PM

Pulkit ji aapki rachana padi aur ham sab ek baar fir se apne bachpan mein jhaank aaye ...........sach yah bachpan jindagi ka sabse masoom hissa hai .................aapne bahut sundarta se sahbdo ko bachpan ke eahsaso ko peerooya hai..........is ko parah kar mujhe jagit ji ki gayi gazal yaad aagyi ..........".yeh daulat bhi le lo, yeh shohart bhi le lo........bhale chheen lo mujhse meri jawaani , magar mujhko loata do woh bachpan ka sawan , woh kagaz ki kishitee , woh barish ka paani............."
.
aapki yah do lines bachpan ke ehasas ko bahut khubsurati se apne mein samate hain................

masti bhare pal thhe, masti bhara thha har taraanaa
aasaan lagtaa thha kitnaa zindagi kaa har afsaanaa

with best wishes

ranju

sukanya · 13th May 2006, 05:44 PM

masti bhare pal thhe, masti bhara thha har taraanaa
aasaan lagtaa thha kitnaa zindagi kaa har afsaanaa

Khaatii-meethii chhotii-badii kucch baaton kaa maine
Bachpan naam se dil me chhupaayaa hai khazaanaa

Hello Pulkit

Tumhari yeh rachna shayad sabko apney bachpan mein le jayegi........so sweet

.......good memories....yeh memories sabke liye khaas hoti hain....bahut khoobsurti se tumney inn memories ko apni poetry mein piroya hay......

Keep up the good work
Take care
Di

kuhulika · 13th May 2006, 06:06 PM

hi buddy
how are you?

ik baar phirse pyari si creation... saccch bachpann kitna accha hota hai... college se acchey school ke din at least kucch karne ko to milta hai... or gharwale to humesha hi saath dete hai chahe bachpann ho ya jawaani

aise hi yaadein taaza karwaate rehne ka or apna khayaal rakhne ka ok biddoo

masoomshayer · **kyon ho gaye bare ham -** 13th May 2006, 06:20 PM

bahut khoob kaha hai tum ne tab sochte the bare hona kitnee baree baat hai ab samhj ata hai bara hona to chotee see baat hai chota ho pana bahut baree baat hai kash woh din laut ayen wah kya khoob kah diya tum ne
Anil

Amanush... · 13th May 2006, 09:28 PM

Chote Bhaiya...!

Hum ko bhi apne bachpan ke din yaad dilaa diya toumne...! Waah...Kya zamaana tha !

Daad kaboul karna iss khubsurat kalaam ke liye...!

Weisse jab hum busy nahin hote, to lazy ho jaate hein...!
Yahaan ke ache ache shayron ko padhne padhte waqt na
jaane kaise guzar jaata hai aur apne threads par reply karna
bhoul jaate hein...! I am always here with all of you...

Apna khayaal rakhna thik se...ok ?

With blessings

sager · 13th May 2006, 10:08 PM

Gupta jee
Nice one..... Childhood is the best time in a human's life... and u have explained it very well.... BACHPAN ...its small word to say but it carries alot in it....
sager

Pulkit_gupta · 14th May 2006, 10:16 AM

Shraddha,

Yehi to pala hain jinhe haum zindagi bhar cherish karte hain.... Its so important that we have that kid living in us somewhere forever.....

Am glad that u liked my thoghts as always

Pulkit_gupta · 14th May 2006, 10:17 AM

Quote:

Originally posted by Vipinbox
Namaskaar Pulkit bhai,
Abhi kya kahun....bas aapki yeh panktiyaan ek anootha sangam hai zindagi ka. wo bachpan ki sharaaratein, wo larna-jhagrna, woh chupna-chupaana, woh raaton ko patthar se lychee ke gucchey giraana, woh Maa se dupak-kar Maa ko hasaana, woh 'home-work' na karna, Report card chupaana. Woh cycle se girna, baarishon per ucchalna.

Pulkit Bhai, main bahaut khusnaseeb hoon jo maine aapko parha. aapka bahaut bahaut dhanyavaad.

aapka
v i p i n

Vipin bhai,

Sach me bachpan ke woh ehsaaas bahut hi khaas hote hain.... har ek chhoti badi baat dil ke kareeb rehti hai... woh masoom sharaarat, woh bewakoofiyan....

bahut accha laga aap mere ehsaasat mehsoos kar paaye... yun hi saarth dete rahiyega... apna khayala rakhiyega

ek_wafa · 14th May 2006, 02:04 PM

Pulkit...

bahut khoob!.....bachpan ki sair kara di aapne.....bahut hi pyara kalaam.....main toh apne bachpan mein hi kahin kho gayi....bahut acah laga.....issi tarah likhte raho....khush raho!

Pulkit_gupta · **Re: Re: Some memories... -** 15th May 2006, 10:32 AM

Hi Rohin,

Sacha kaha yaar... woh din alag hi hote thhe... If one cud just save a par of that innocence for a life time... wud be great....

Do keep reading me... take care

Pulkit_gupta · 15th May 2006, 10:34 AM

Quote:

Originally posted by sacccha_pyar
Pullu Bhai

Aur jeewan maiN bachta kya hai .. sivay yaadoN ke .. aur shayad bachpan ki yaad hi jeewan ki dharohar hai .. meri mubarak baad aapko ek saccha aur accha kalaam likhne ke liye ...

waise ek baat hai sab abhi tak kehte hai mera bachpan gaya nahi aapko to jyada anubhav hai ... kyuN

apna khayal rakhiye

Kunaal

Kunaal,

Hmmmm. yeh to humaare oopar hai ke hum kya bacchaate hain siva yaadon ke... ab jaise tumne to bahut kucch bachaya hai bachpan se :-p....

mujhe tumhaara ek kalaam yaad hai... "mera bachpan naam thha uska"......

Aise hi saath raho... khayal rakho apna... tc...

mann_chand · 16th May 2006, 07:19 AM

mere pulkit

wow tuharii har ek post mein ek nayii kahanii hoti hai n this one is so touching .... saach mein childhood days r the BEST days in life... sumthing which can treasure through out lifwe ... ek haseen khazana

keep writing
love u alot
take a good carew of urself
urs di
mandy

Parastaar · 17th May 2006, 11:33 AM

Bhole bhaale, saada se lafzon mein masti mein jhuumta yeh taraana sa nazar aata hai...Pulkit bahut achha likhte ho...bachpan ka chakkar hum bhi lagaa aaye tumhare saath saath...keep it up buddy!

Pulkit_gupta · 17th May 2006, 06:47 PM

Hi Ranjana,

aap humesha hi bahut acche se appreciae karti hain... Accha laga jaankar ke is baar bhi aapko meri koshish pasand aayi... aise hi saath deti rahiyega... apna khayal rakhiye...

Pulkit_gupta · 17th May 2006, 06:57 PM

Didi,

Bachpan ka samaa hota h itna pyaara hai... tension free... relaxed... Aapko acche lage yeh ehsaas jaan accha laga... aise hi saath deti rahiye...... khayal rakhiyega apna

Pulkit_gupta · 17th May 2006, 06:59 PM

Shweta,

Tumhe acchi lagi yeh ghazal jaankar accha laga... haan yaar those days were good... khiar tumhara to abhi bhi masi maarne ka time hai... enjoy whatever bit of time is left... yeh waapis nahi aata... keep coming... Take care

Pulkit_gupta · **Re: kyon ho gaye bare ham -** 19th May 2006, 04:38 PM

Anil,

Sahi kaha aapne... bachpan ke din laut paate to kyaa baat hoti... its so imporatnt ke humaare andar ka baccha humesha jeeta rahe... aapko pasand aaye ehsaas... accha laga...

yun hi saath dete rahiye.. apna khayal rakhiyega...

Pulkit_gupta · 19th May 2006, 04:41 PM

bhaiya,

Lol... laziness ki to baat mat poochiye... aalas peecha kab chhodta hai.... lekin aapko kucch bhoolne ki permision nahi hai... aise hi humaare saath rahiye... apna khayal rakhiye... take care

Pulkit_gupta · 19th May 2006, 04:50 PM

Sager,

Sahi kaha aapne... bachpan ke din khaas hote hain... aapko ehsaas acche lage khushi hui... yun hi haunsla badhaate rahiyega... khayal rakhiye...

Pulkit_gupta · 21st May 2006, 10:25 AM

Hi Wafa,

Aapko accha laga... and it made you revisit ur childhood... am glad.... un hi saath deti rahiye... I'll try to to keep writing... TC...

Pulkit_gupta · 21st May 2006, 10:27 AM

Dear Mandy,

Well... meri posts ko tum jisi perspective se dekho vaiai nazar aayengi... haan ek taraf aajkal yeh sab ek doosre se juda hain as they are different aspects of life...on the other hand they are similar as they are all aspects of ife

haan bachpan sach me bahut khaas hota hai.... tumhe accha laga mujhe bhaut khushi hui... yunm hi saath deti raho.. Do take lots of care

Pulkit_gupta · 21st May 2006, 10:29 AM

Dearest Guruji,

My guru is there to write heavy naa so i write light things.... Tumh bhi bachpan ki sair ho gayi accha laga.... yun hi mere saath raho.. apna khayal rakhna acche se... Taek careee

GKS · 22nd May 2006, 02:21 AM

hi bro,
mere bachpan ke khoye khazaane ki yaad dilaane ke liye shukriyaa. bahut si muskurahatein waapas dene ke liye shukriya.
pataa nahi kaise bhool gaya tha mai ke yeh khazaana bhi kahi chupaaya tha kabhi , aaj dil bhar ke muskuraoonga yaad karke woh bachpan ki yaadein, shararatein harkatein aur na jaane kya -kya.
bahut achaa likhaa , bahut si muskuruhate di . shukriyaa dost

musafir ek pal · 29th April 2007, 04:40 AM

hello pukit g,
namaskar,
very well written, bahut khushi hui isse padkar. great time...great experience....unforgetable memories...

tc

Manish

Pulkit_gupta · 3rd May 2007, 05:57 PM

Hi Guru,

Kahaan ho dost? Long time no see at all...

Welll... I am glad you liked these feelings... Bachpan ki yaadein waakayi me ek pyaari muskuraahat le aati hain...

Take care and keep motivating me...

Pulkit_gupta · 3rd May 2007, 05:59 PM

Hi Manish,

Yeh post kahaan se mil gayi aapko...It was written long back... but dobara padhke..woh baatein yaad karke accha laga... Thanks for making me revisit my bachpan and for appreciating my work...