Furkat me teri moujudagi ka bharam hota hai
Kabr me lete muzhe zindagi ka bharam hota hai
Sauda-e-dil hai ke hai munaafakhoori teri
Sarfaroshi meri, tuzhe peshgi ka bharam hota hai
Shama ke gird firta hoon, na jal jaooN to mar jaooN
Laachari meri, tuzhe aawaargi ka bharam hota hai
Dum tod dooN magar tammanna-e-deed baki hai
Har aah pe zamane ko rawangi ka bharam hota hai
shiddat-e-ishk is kadar zhuka deta hai muzhe
Parashtish meri, tuzhe deewangi ka bharam hota hai
Tuzhe pane ki surat thi "bhushan" ne sar zhuka diya
Ho jaye gar khuda ko bandagi ka bharam hota hai
Bhushan Joshi