ਉਦੋਂ ਤੱਕ ਬਰਦਾਸਤ ਕਰਦਾ ਰਹਿ ਉਸ ਦੀਆਂ ਬਦਤਮੀਜੀਆਂ ਨੂੰ
ਜਦ ਤੱਕ ਤੇਰੇ ਜੁੰਡੀ ਦੇ ਯਾਰਾਂ ਨੂੰ ਫੁਕਰੇ ਦੀ ਹੋਂਦ ਚੰਗੀ ਲਗਦੀ ਹੈ
ਤੇਰੇ ਹਮਸਾਇਆਂ ਦੀਆਂ ਬੈਟਰੀਆਂ ਨੂੰ ਚੂਸ ਕੇ
ਉਸ ਦੀਆਂ ਕੌਲ ਡੋਡੇ ਜਿਹੀਆਂ ਅੱਡੀਆਂ ਅੱਖਾਂ ਦੀ ਬੱਤੀ ਜਗਦੀ ਹੈ
ਉਦੋਂ ਤੱਕ ਜਰਦਾ ਰਹਿ ਫੁਕਰੇ ਬੰਦੇ ਦੀ ਡਰਾਉਣ ਦੀ ਬਿਰਤੀ ਨੂੰ
ਉਦੋਂ ਤੱਕ ਜਰਦਾ ਰਹਿ ਉਸ ਦੇ ਕਮੀਣੇ ਪਣ ਨੂੰ
ਜਦੋਂ ਤੱਕ ਪੂਜਦੇ ਹਨ ਕੁਝ ਨਪੁੰਸਕ ਉਸ ਨੂੰ ਰੱਬ ਵਾਂਗ
ਹਾਲੇ ਭੁਲੇਖਾ ਰਹਿਣ ਦੇ, ਕੱਢ ਦੇਈਂ ਉਸ ਵੇਲੇ ?
ਜਦੋਂ ਤੱਕ ਸੱਪਾਂ ਨੂੰ ਦੁੱਧ ਪਿਆਉਣ ਵਾਲੇ ਤੇਰੇ ਬੇਲੀ,ਨਾਗ ਪੰਚਮੀ ਦੇ ਦਿਨ ਡੰਗੇ ਨਾ ਜਾਣ
ਨਪੁੰਸਕਾਂ ਦੀ ਬਰਾਦਰੀ ਵਿੱਚ ਫੁਕਰੇ ਬੰਦੇ ਦੀ ਬੜੀ ਕੀਮਤ ਹੁੰਦੀ ਹੈ
ਜੇ ਫੁਕਰੇ ਨਾਲ ਜੂਝਣਾ ਹੈ ਤਾਂ ਬਹਾਦਰੀ ਜਾਂ ਨਾਮਰਦੀ ਦਾ ਪੈਮਾਨਾ ਭੁੱਲ ਜਾ
ਖੌਲਦੇ ਖੂਨ ਨੂੰ ਉੱਬਲਣ ਨਾਂ ਦੇ ਪਰ ਸਰਦ ਵੀ ਨਾ ਕਰ
ਰੋਕੀ ਜਾਂ ਆਪਣੇ ਆਪ ਨੂੰ ਉਦੋਂ ਤੱਕ ਜਦੋਂ ਤੱਕ ਤੇਰੇ ਕੰਨਾਂ ਵਿੱਚ ਕੋਈ ਜੈਕਾਰਾ ਨਾਂ ਗੂੰਜੇ
ਓਦੋਂ ਤੱਕ ........ ਉਦੋਂ ਤੱਕ .......... ਓਦੋਂ ਤੱਕ ................. ( ਪ੍ਰਵੀਨ ਕੋਮਲ 5-1-2015 8:06 ਆਥਣ )