maza to taNj khaane meiN .. kahaaN tareef pane meiN
mujhe to lutf aata hai khud apna dil dukhane meiN
Wahhh Behtreeeen Or Khubsurat Matlaaaa…….Dheron Daaad Qabool Farmayen
tum apne paap ki gathri uthaye chal diye lekin
miyaan ab zism tak dhultaa nahi Gangaa nahaane meiN
Wah Wah Wah…… Umdah Tareeen Kia Kehnay Saheb…..
chale aao .. zara baitho .. khabar meri ghaRhi bhar lo
kab aaoge tum aane meiN... lagi hai jaan jaane meiN
Wah…. Acha Hai Janab….. Mujhy Yahan “Kab Aao Gay Tum Aanay Me” Ziada Ba-ma’ani Nahi Laga…. “BHala Kia Dair Aanay Me” Kaisa Rahay Ga….?
zubaaN thodi si hai kadvi... zara gussa bhi karta hai
muhabbat hi muhabbat hai magar tere diwane meiN
Wahhhhhhhhh ….. Kamal Hai Kamaal Janab….. Behtreeen…Dheron Daad
zara karke nikeele maaro..... pathar phool jaise haiN
kasar koe na cHodo tum mujhe ab aajmaane meiN
Wahhhh Boht KHooob…. Magar Mujhy oola Ka Pehla Hissa Behr Se Khaarij Maloom Hota Hai….
yahiN baithye- bithaye sher khariz kar diyaa tumne
kahaaN tak jaana padta hai mujhe mafhoom lane meiN
Wahhhh.. IS Sher Ke To Kia Hee Kehnay….. Daad
koe 'zidd' tha jo sunaata tha sunaata tha mujhe ghazleN
binaa uske maza hi kuch nahi sunne sunaane meiN
Hmmmmm…Acha Hai Magar Mujhy Phir Oola Behr Me Nahi Lagta……
karaar aye bhala ab Fikr kaise, kya ajab hai ki
mujhe ab ashq bhi aate nahiN aansu bahane meiN
Wah Behtreeeen Fikr…. Umdah Andaz-e-Bayaan Khubsurat Maqta…….
Janab Vikaas Saheb……….! Yaqin Maaniye Boht Lutf Mila Aap Ka Ye Khubsurat Kalaam Parh Kr……
Tah-e-Dil Se Karoron Daaad…………. Yunhi Likhtay Rahiye…….. Or Mehfil Jagmagatay Rahiye….