Ek Kavita -
19th March 2014, 09:31 PM
Ek Kavita
.
Jab Suraj ki pahli kiran
Dhire se mujhe uthati hai
Our thandi thandi hawa kahin se
Baalon ko sahlati hai
Tab aasman mein door kahin
Ek chavi mujhe dikh jaati hai
Mein tujhko sochne lagta hun
Our ek kavita ban jaati hai
.
Jab un bheerd bhare bazaron se
Kuch door kahin chalte chalte
Mein ruk jata hun raste mein
Kuch soch yunhi chalte chalte
Tab na janne raste per kaise
Tasveer koi ban jaati hai
Mein tujhko sochne lagta hun
Our ek kavita ban jaati hai
Jab din bhar ki duniyadari se
Thak kar suraj so jaata hai
Our aasman mein dhire dhire
Chand nikalta sharmata hai
Tab mein tanha ekaki hun
Ye raat mujhe samjhati hai
Mein tujhko sochne lagta hun
Our ek kavita ban jaati hai
Gyan Saxena
|