Apni Merhooma behan ke naam -
30th May 2012, 01:30 PM
Doston
Aaj bohat arse baad taqriban (5 years) yahan kuch post ker raha hoon.
Yeh meri shayri naheen muntashir khayali hai.
meri azeez behan jo arsa 5(2007) years saal se Cancer ke moozi marz mein mubtila thi, Canada mein muqeem thi, last November mein hem se juda ho gaee aur hem jeete ji mer gaye.
Mera sab kuch thi voh.
Jab se mein kis kaifiyet mein hoon bayan se bahar hai.
Apne jazbaat aap se share kar raha hoon.
Aapi ki aaraa mere liye bayes-e-taqviyet ho gi.
SOAZ-E-GHEM MEIN AAJ DOOBI HAIN SADAAYEIN HER TARAF
GARYA SAAMAANI KA TOOFAAN HAIN FIZAAYEIN HER TARAF
HO GAEE HEM SE JUDAA TU AIY SHAGUFTA BAA-KAMAL
AAJ UMAND AAYEEIN HAIN UFF GHEM KI GHATAAYEIN HER TARAF
BHAI BEHNON KE LIYE SED REHMAT-E-YAZDAAN THI TUU
NOHA KHUAAN HAIN AAJ HEM SEB KI DUAAYEIN HER TARAF
TERA PYAAR AUR TERI BAATEIN, TERE AQWAAL-E-BULAND
GUUNJTI HAIN CHAAR SU TERI SADAAYEIN HER TARAF
TERE DEM SE “BAAGH-E-ASHRAF” MEIN LEHEKTI THI BAHAAR
AB HUEEN BE-KAIF GULSHAN KI HAWAAYEIN HER TARAF
musharrafhusain
|