Maa....

aru · **Maa.... -** 13th April 2013, 06:13 AM

Maa to sabse nyari hai,
Maa to sabse pyari hai,
mamta ka saagar hai maa,
Maa to sabse dulari hai,

Maa ke charnon mein jisne sar ko jhuka liya,
Jannat ko samjho usne fir paa liya,

Deti hai har dam jo duaein,
Leti hai har pal jo balayein,
Galtiyon pe bhi teri sada,
Tujhko aanchal mein vo chipaye,

Devta bhi karte hain jise pranaam,
Jag mein sabse uncha hai maa ka naam,

Chot tujhe jo lagti thi,
Maa saari raat jagti thi,
Rakh ke sar tera godi mein,
Maa kabhi naa thakti thi,

Karna na kabhi tum maa ko pareshaan,
Mili hai tumhe usi se pehchaan,

Karti hai poore ghar ka vo kaam,
Naseeb mein uske kahan aaraam,
Bol de usse too pyaar ke do bol,
Mil jayega use apna inaam,

Anginat hain jiske tujhpe upkaar,
Us maa ke liye jaa sab kuch haar,

Maa se hee teez aur tyohaar hain,
Maa se hee ghar aur sansaar hain,
Khushiyan hain bas maa ke dam se,
Maa ke bina ye sab bekaar hain,

Bachati hai tujhe jo sabhi nazron se,
Karna na door use kabhi nazron se,

Duniya mein tumko lati hai maa,
Sab kuch tumko sikhati hai maa,
Banake tumhe fir apni duniya,
Puri duniya tumko dikhati hai maa,

Maa ke dil ko kabhi jisne dukha diya,
Maa ne use bhi gale se laga liya,

Pakad ke ungli jo chalna tumhe sikhtati thi,
Girne pe tere jo baar baar tumhe uthati thi,
Chalte the apne aap jab tum,
Maa khush ho tumhe gale se lagati thi,

Dena tum maa ka aise hee saath,
Chhodna na bhudape mein unka haath,

Haathon se khana tujhe vo khilati thi,
Tujhe khilaye bina vo kahan kha pati thi,
Kam ho khana to tujhe khila ke,
Khud bhooki hee vo so jati thi,

Rakhna too aise hee maa ka khyaal,
Banna too maa ka sabse pyara laal,

Maa ko jisne bachpan mein hee kho diya,
Khuda bhi kismat pe unki ro diya,
Rahega dil hamesha pyaar se khali,
Pyaar agar ek baar vo kho diya,

Ho kitna bhi tere kareeb koi,
Maa jaisa pyaar na de pata koi,