Deewaana banaanaa hai tou....
Poet: Sardaar Ahmed Khan, pen name " Bahzad Lakhnavi"
Deewaana banaanaa hai tou deewaana banaa day
Warna kaheeN taqdeer tamaashaa na bana day!
Aye daykhne waalo mujhay has-has kay na daykho,
Tumko bhi mohabbat kaheeN mujhsaa na bana day!
Mayn dhoond rahaa hooN meri wo shamma kahaaN hai,
Jo bazm ki har cheez ko parwaana banaa day!
Aakhir koee soorat bhi to ho khaanaa-e-dil kee,
Kaaba nahi ban-taa hai tou but-khaana bana day!
Bahzaad har ik Gaam* pe ek sajda-e-mastee,
Har zarre ko sang-e-dar-e-jaana na bana day!
************************************************** **********
An absolutely beautiful version of this Ghazal sung by Begum Akhter can be Enjoyed on the YouTube link below
https://www.youtube.com/watch?v=sG6dK3a1dyk