Tujhe paane ki chaah thi.. khone ki nahi..

[chaahat]

I've lost my life with you my dear baby!
I just want to tell you mom loves you more than anyone in this world.
Dedicated to my baby. Born and lost on September 8, 2009.


Tujhe paane ki chaah thi.. khone ki nahi..
Tujhme jeene ki chaah thi.. yun rone ki nahi..

Tujhe kho ke, kho di maine apni zindagi..
Tujhpe sab lutaane ki chaah thi.. yu rone ki nahi..

Tujhe thaam ke jo ashk mere seene se nikle hain..
Unhe bayaan karne ki himmat nahi..

Socha na tha milna ek baar ka hi tha..
Zindagi me meri koi khushi hi nahi..

Zinda hun soch ke, ki tu laut aayega apni ma ke paas ek baar phir..
Varna tujhe kho ke to, zinda rehne ki aas bhi nahi..

Duniya kehti hai, tujhe bachaate to na bachti main..
Are tujhe khoke bhi, to ab jeene ka sahara hi nahi..

Sapne jo sajaaye the sunehre, tere liye maine..
Apne haathon se dafnaaungi unhe, socha tha nahi..

Ungli pakkad ke chalna tha, tune meri..
Chhodd gaya saath mera.. safar shuru hua hi nahi..

Teri mazaar pe jaane ki himmat bhi nahi...
Tujhe khoke, jeene ki himmat bhi nahi..

Tujhe paane ki chaah thi.. khone ki nahi..
Tujhme jeene ki chaah thi.. yun rone ki nahi..

~Priya