 |
|
|
|
|
|
|
 |
 |
KhwaaboN meiN ho khoey logo! |
 |
|
 |
|
(#1)
|
|
None
 Offline
Posts: 88
Join Date: Oct 2001
Location: Canada
Rep Power: 23
|
KhwaaboN meiN ho khoey logo! -
19th January 2002, 10:32 PM
muaziz khwaatiin-o-hazraat
apnii ek taazaa tariin Ghazal pesh kar rahaa huN, mulaahizaa ho. .................. KhwaaboN meiN ho khoey logo! jaagtey meiN bhii soey logo! fasl mujhey kaaTeygii kyuNkey mainey KhaNjar boey logo GhazaloN ke dhaagoN meiN hum ney saarey zakham piroey logo sapnoN meiN kyaa dekhtey ho tum? footpaathoN pey soey logo!! paavan paani tan to dhoey lekin paap naa dhoey logo haNsnaa chaahtaa huN, waise bhii koii kab tak roey logo dhartii kii baateiN tab sunanaa jab wo dukhDey roey logo kitney achhey achhey shaayer gumnaamii meiN khoey logo dard 'feroz' ke kyaa baaNtogey? wo to pathar Dhoey logo aap kii har qism kii aaraa kaa intezaar raheygaa. Khaaksaar Feroz aap se darKhwaast hai ke mere homepage par bhii tashriif laayeiN. http://www.geocities.com/dashmeshgillferoz/Feroz.html |
 |
|
 |
 |
 |
|
Adaab Janaab Feroz!! |
|
|
|
|
|
(#2)
|
|
Registered User
Offline
Posts: 432
Join Date: Aug 2001
Location: NRI
Rep Power: 24
|
Adaab Janaab Feroz!! -
20th January 2002, 02:20 AM
Bahut hi pyaari ghazal pesh ki hai aapne...
mujhe khaaskar ye ashaar pasand aaye... GhazaloN ke dhaagoN meiN hum ney saarey zakham piroey logo paavan paani tan to dhoey lekin paap naa dhoey logo dard 'feroz' ke kyaa baaNtogey? wo to pathar Dhoey logo Lekin mujhe ye 2 sheyr samajh nahi aaye  ..agar aap samjha deiN to meherbaani hogi..sapnoN meiN kyaa dekhtey ho tum? footpaathoN pey soey logo!! dhartii kii baateiN tab sunanaa jab wo dukhDey roey logo  Shukriya aur likhtey rahiyega, shumaila kahiiN zameeN to kahiiN aasmaN nahi milta!! |
|
|
|
|
|
|
|
shukriyaa shumaila ji |
|
|
|
|
|
(#3)
|
|
None
Offline
Posts: 88
Join Date: Oct 2001
Location: Canada
Rep Power: 23
|
shukriyaa shumaila ji -
23rd January 2002, 09:48 AM
shumailaa ji
aap kaa jawaab to paDh liyaa thaa, muaaf kijiyegaa ke jawaab dene meiN taaKhiir ho gayii. aap ne jin jin asha'ar kii taariif kii hai un sab ke liiye aap kaa tah e dil se mamnuun huuN. aap ne merii hauslaa afzaai kii is ke liye shukriaa aap ne likhaa hai ke :- >Lekin mujhe ye 2 sheyr samajh nahi aaye..agar aap samjha deiN to meherbaani hogi.. sapnoN meiN kyaa dekhtey ho tum? footpaathoN pey soey logo!! dhartii kii baateiN tab sunanaa jab wo dukhDey roey logo Shukriya aur likhtey rahiyega, shumaila . ............................................. to shumailaa jii pahley sher kaa matlab kuchh yuuN hai, ke . jin logoN kaa buraa haal hai, jin ke paas "bilkul kuchh bhii" nahiiN hai, un se puuch rahaa huN, ke pahlii baat to kyaa aap ko fuTpaathoN pe neeNd aa jaatii hai? aur agar aa jaatii hai to phir sapnoN meIn kyaa nazar aataa hogaa? duusrey sher kaa matlab hai ke kabhii fursat nikaal kar is dhartii ke paas baiThnaa aur phir us se sunanaa ke us par kyaa kuchh ho rahaa hai. yaane, kabhii is duniyaa meiN kyaa ho rahaa hai, baiTh kar sochnaa. I hope I have made my view clear. aaiNdaa bhii isii tarah se apnii qiimtii raai se nawaaztey rahiiyegaa. Feroz  |
|
|
|
|
|
|
|
|
|
|
|
|
(#4)
|
|
Birha Tu Sultan
 Offline
Posts: 1,810
Join Date: Aug 2001
Rep Power: 10
|
23rd January 2002, 12:44 PM
Ustaad-e-mahtarm Feroz saahab...Tasleem
ye ghazal kahin aur bhi paRh chukaa huN....aap ba-khabar hoNge ke kahaN...sirf itnaa kehna chahta huN jitni baar bhi paRhii dil nahiN bharaa....bahot pasaNd aayi.... aapne mere israar pe "aapki shayri" meN apne hum-kalam dostoN ko apnii kiimatii salaah denaa kabuul kiya iske liya bahot mamnuun huuN...umiid hai ke aapka saath miltaa rahega...!! tamaam ghazal umdaa hai lekin jo sher mujhe khaas-taur pe achche lage unkaa izhaar kar raha huuN KhwaaboN meiN ho khoey logo! jaagtey meiN bhii soey logo! matla khoob kahaa hai aapne...aaghaaz-e-ghazal bahot pasaNd aaya fasl mujhey kaaTeygii kyuNkey mainey KhaNjar boey logo baaz logoN ke liye ek sabakk.....waah....!! GhazaloN ke dhaagoN meiN hum ney saarey zakham piroey logo dard b'khuubii bayaan kiyaa hai aapne.....bahot baRhiya...!! sapnoN meiN kyaa dekhtey ho tum? footpaathoN pey soey logo!! ek umdaa aur bahot gehraa sher....lajawaab... dhartii kii baateiN tab sunanaa jab wo dukhDey roey logo waah janaab...kya baat kahii hai.... dard 'feroz' ke kyaa baaNtogey? wo to pathar Dhoey logo aapka makhsuus andaaz....maktaa bahot aala hai saahab.... mujhe umiid hai ki aaiiNdaa bhi aap hameN apni kaaviishoN se nawaazTe raheNge..... phir se nachiiz ka dil rakhne ke liya shukriya kabuul kijiye maikasH is tarhe teri yaad meiN har shaam dhaley hai goyaa koyi nagin si kalejey pe chaley hai maikash ............................... |
 |
|
|
|
|
|
shukriaa |
|
|
|
|
|
(#5)
|
|
None
Offline
Posts: 88
Join Date: Oct 2001
Location: Canada
Rep Power: 23
|
shukriaa -
25th January 2002, 06:50 AM
maikash saahab
aadaab aap to bas aasmaan par biThaa detey haiN. baharhaal aap ne merii Ghazal par apney ta'asuraat kaa izhaar kar ke merii hauslaa afzaai kii hai. mainey aap se wa'adaa kiyaa thaa so is bazm meiN ab baqaaidagii se aataa rahuuNgaa. shukria ek baar phir se. Feroz |
|
|
|
|
|
|
 |
«
Previous Thread
|
Next Thread
»
Linear Mode
|
|
|
Similar Threads
|
||||
| Thread | Thread Starter | Forum | Replies | Last Post |
| Roz mere khwaabon mein aate ho | karndhar | Shayri-e-Ishq | 0 | 3rd November 2008 12:51 PM |
| *@*Ab KhwaaboN meN bhi tera didaar nahiiN*@* | Diggaj_Dave | Shayri-e-Dard | 19 | 19th September 2007 08:46 PM |
| khwaabon mein rehnaa aachaa nahiinn hainn aadmmii keeyy liyy | night_walker13 | Shayri-e-Dard | 3 | 23rd September 2006 12:28 AM |
| neend mein dekhe khwaabon ko haqeekat sa majh baithe. | ashiq awara, | Shayri-e-Dard | 2 | 29th March 2006 06:26 PM |
| do pal ke tha khwaabon ka karvaan | dard_thesorrow | Shayri-e-Ishq | 0 | 2nd December 2004 03:27 PM |
Powered by vBulletin® Version 3.8.5
Copyright ©2000 - 2024, Jelsoft Enterprises Ltd.
vBulletin Skin developed by: vBStyles.com
Copyright ©2000 - 2024, Jelsoft Enterprises Ltd.
vBulletin Skin developed by: vBStyles.com
