|
|
|
|
|
|
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
shiddat-e-dard kabhi yuN bhi apne kaam aaye.....(Ghazal) -
28th July 2009, 06:59 AM
aadaab dosto
pichhle teen saaloN meiN yeh pehli baar ho raha hai ke maine ek hi hafte meiN yahaaN do GhazleiN post ki hoN......amooman kohshish yeh rehti hai ke do posts ke darmiyaaN ziyada se ziyada waqfa ho.....ab chooNke haalaat judaa haiN aur mere paas waqt ki behadd kamii hai isliye yeh taaza Ghazal mehfil ki nazar kar raha huuN
yahaaN jo saahib-e-ilm-o-zabaaN, urdu-adab ko samajhne waale hazraat maujood haiN voh is haqeeqat sa ba'khoobi waaqif haiN ek Ghazal ko apne asl muqaam par pahuNchne ke liye bohat waqt darkaar hota hai, pehle rough draft taiyaar hota hai, phir uski tafseel se jaaNch hoti hai, wazan ko kayi rukhoN se parkha jaata hai aur zabaan ki laGhziishoN ki nishaandehi kee jaati hai, phir usey barhaa paarkhii nigaah se dekhne ke baad kahiiN jaa kar ek Ghazal taiyaar hoti hai
jaisa ke Khumaar Barabanki saahab keh gaye haiN :
sau baar yeh dil dard ki bhaTTi meiN jaley hai
tab aik Ghazal husn ke saaNche meiN Dhaley hai
yeh baat maiN aur sirf mera banaane waala jaanta hai ke maine aaj taq is bazm meiN jo bhi GhazleiN post kiiN hai voh mera pehla rough draft thiiN jaise ke yeh Ghazal bhi hai.....puraani jitni Ghazliiyaat haiN (posted here on SDC), har-ek meiN dheroN tabdiiliiyaaN kii gayi haiN, jo marrammat darkaar thi voh ki gayi aur phir maine unheiN dobara post nahiiN kiya go un meiN se kuch India,Pakistan aur Canada ke kuch urdu risaaloN meiN chhapp chukii haiN
mera iraada ek kitaab chappvaane ka tha jo ke haalaat ko madd-e-nazar rakhte hue ab mumkin nahiiN hai isliye aane waale kuch roz meiN voh saari Ghazliiyaat maiN unki nayi suurat meiN post karuuNga aur ummiid hai ke aap sabko pasaNd aayeNgii, uske baad maiN is mehfil se hamesha ke liye ijaazat chaahuNgaa (Mayank saahab aapse haath joD kar bintee hai ke aap is muddey par mujh se koii zabardasti nahiiN kareNgey, yeh official announcement hai, i've told Gaurav as well)
yeh message type karne se koi tees minute pehle mera iraada aap sabse kuch bohat hi personal baateiN share karne ka tha lekin ab voh iraada badal gaya hai shaayad kal shaam phir tabiyat ho uThe, ba-har-haal kal ki kal dekheNge
Ghazal mula'iiza famaiiye :
shiddat-e-dard kabhi yuN bhi apne kaam aaye
rulaaye itnaa ke dil ko zaraa aaraam aaye
kabhi na waheguru, allah, na hi raam aaye
khayaal rab ka karuuN lab pe uska naam aaye
meri taubaa se nikaale hai dushmanii zaalim
kambakht yaad aaye jab bhi waqt-e-shaam aaye
ahl-e-duniya mujhe nocho khasoNT lo be-shaq
shart ye hai na koyee yaar pe ilzaam aaye
dard-e-tanhaayi, hijr, zakhm, nadaamat, aaNsuu
ai wafaa dekh tera bakht, kya eenaam aaye !
maine kar to liya safar tam'aam tanhaa bhi
tere khayaal magar mujhko gaam-gaam* aaye
* = qadam qadam par
ziNdagi bhar kisi ki dillagi ka saamaaN the
khoTey sikkey hi sahi par kisi ke kaam aaye
aaj socheN jo ziNdagi meN paaya-khoya kya ?
aik le-de ke faqat yaad teraa naam aaye !
tujhe hi bair ziNdagi se tha "maikash" varna
kazaa* se pehle kazaa ke bade paigaam aaye
* = maut
rab raakha
maikash
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
Last edited by maikasH; 29th July 2009 at 10:11 PM..
|
|
|
|
|
Registered User
Offline
Posts: 1,089
Join Date: Jun 2004
Location: Toronto,Canada
Rep Power: 31
|
28th July 2009, 09:57 AM
Sat Siri Akal jii
Maikash jee ..
Umeed karti hu aap theek honge, aur dua bhi karti hu khuda aapko aachi sehaat de ...Aameen
Aaj shayad doosarii bhar mauka mila to be 1st to reply at this post ..khushi bhi hain ..aur aacha laga aapne itnii jaldi post kiya (usually hota nahi hain kafii time se)...
Jab meine padha ki aap SDC ko choodkar jaana chahate hain ... yeh sunn kar aacha nahi laga ...kya kahe aur kya na kahe ....aapne esa kiyu soocha aur kiyu kaha yeh sab jaanti toh nahi hu ... lekin aap kuch kehne ki gustakii kar rahi hu .. agar ho sake toh mujhe maaf zaroor kardejiyega
...
SDC parivaar aapke bina aduura hoga ... jab aap post karte ho hum sab ko bahut kuch seekhne ko milta hai... ... Jab aapki ghazal's nazar ke saamne aatii hain ...aapna dard bhi kum lagta hai !!!
Aaj bahut bura lagg raha aur dukh bhi hai...kya kahe samajh mein nahi aaraha hai .. shayad kiyu ki mein zada likhti nahi ...yeh zyada jaanti nahi hu ... aapki ghazal padh kar honsala miljaata hain .... bas aapna honsala khona nahi chahate hain ..
Ghazal toh mah sha allah ... har sher bahut pasand aayya ..dard ko lafzon mein peerona aap aacha jaante hain...touchwood...tareef ke liye lafz kum hi honge....
WaheGuru aap ji har ek sukh te mehar pariya haath rakhan ...
bas aapse beentii karti hu aap SDC mat ****iyega...
Dua kartii hu aap mehfil hamesha saajate rahege ...
aur ghazal ki daad kabool farmaiye
meri galatiyoon ko maaf kar dejiyega
Rab Rakha
mandeep
Last edited by mann_chand; 28th July 2009 at 10:03 AM..
|
|
|
|
|
Na jaane kab tak....
Offline
Posts: 114
Join Date: Jun 2009
Location: Mumbai
Rep Power: 16
|
28th July 2009, 03:09 PM
Quote:
Originally Posted by maikasH
aadaab dosto
pichhle teen saaloN meiN yeh pehli baar ho raha hai ke maine ek hi hafte meiN yahaaN do GhazleiN post ki hoN......amooman kohshish yeh rehti hai ke do posts ke darmiyaaN ziyada se ziyada waqfa ho.....ab chooNke haalaat judaa haiN aur mere paas waqt ki behadd kamii hai isliye yeh taaza Ghazal mehfil ki nazar kar raha huuN
yahaaN jo saahib-e-ilm-o-zabaaN, urdu-adab ko samajhne waale hazraat maujood haiN voh is haqeeqat sa ba'khoobi waaqif haiN ek Ghazal ko apne asl muqaam par pahuNchne ke liye bohat darkaar hota hai, pehle rough draft taiyaar hota hai, phir uski tafseel se jaaNch hoti hai, wazan ko kayi rukhoN se parkha jaata hai aur zabaan ki laGhziishoN ki nishaandehi kee jaati hai, phir usey barhaa paarkhii nigaah se dekhne ke baad kahiiN jaa kar ek Ghazal taiyaar hoti hai
jaisa ke Khumaar Barabanki saahab keh gaye haiN :
sau baar yeh dil dard ki bhaTTi meiN jaley hai
tab aik Ghazal husn ke saaNche meiN Dhaley hai
yeh baat maiN aur sirf mera banaane waala jaanta hai ke maine aaj taq is bazm meiN jo bhi GhazleiN post kiiN hai voh mera pehla rough draft thiiN jaise ke yeh Ghazal bhi hai.....puraani jitni Ghazliiyaat haiN (posted here on SDC), har-ek meiN dheroN tabdiiliiyaaN kii gayi haiN, jo marrammat darkaar thi voh ki gayi aur phir maine unheiN dobara post nahiiN kiya go un meiN se kuch India,Pakistan aur Canada ke kuch urdu risaaloN meiN chhapp chukii haiN
mera iraada ek kitaab chappvaane ka tha jo ke haalaat ko madd-e-nazar rakhte hue ab mumkin nahiiN hai isliye aane waale kuch roz meiN voh saari Ghazliiyaat maiN unki nayi suurat meiN post karuuNga aur ummiid hai ke aap sabko pasaNd aayeNgii, uske baad maiN is mehfil se hamesha ke liye ijaazat chaahuNgaa (Mayank saahab aapse haath joD kar bintee hai ke aap is muddey par mujh se koii zabardasti nahiiN kareNgey, yeh official announcement hai, i've told Gaurav as well)
yeh message type karne se koi tees minute pehle mera iraada aap sabse kuch bohat hi personal baateiN share karne ka tha lekin ab voh iraada badal gaya hai shaayad kal shaam phir tabiyat ho uThe, ba-har-haal kal ki kal dekheNge
Ghazal mula'iiza famaiiye :
shiddat-e-dard kabhi aisey apne kaam aaye
rulaaye itnaa ke dil ko zaraa aaraam aaye
kabhi na waheguru, allah, na hi raam aaye
khayaal rab ka karuuN lab pe uska naam aaye
meri taubaa se nikaale hai dushmanii zaalim
kambakht yaad aaye jab bhi waqt-e-shaam aaye
ahl-e-duniya mujhe nocho khasoNT lo be-shaq
shart ye hai na koyee yaar pe ilzaam aaye
dard-e-tanhaayi, hijr, zakhm, nadaamat, aaNsuu
ai wafaa dekh tera bakht, kya eenaam aaye !
maine kar to liya safar tam'aam tanhaa bhi
tere khayaal magar mujhko gaam-gaam* aaye
* = qadam qadam par
ziNdagi bhar kisi ki dillagi ka saamaaN the
khoTey sikkey hi sahi par kisi ke kaam aaye
aaj socheN jo ziNdagi meN paaya-khoya kya ?
aik le-de ke faqat yaad teraa naam aaye !
tujhe hi bair ziNdagi se tha "maikash" varna
kazaa* se pehle kazaa ke bade paigaam aaye
* = maut
rab raakha
maikash
|
hai hai maikash ji ..subhaan allah !! bahot khoob janaab...kya khoob likha hai aapne ..
ziNdagi bhar kisi ki dillagi ka saamaaN the
khoTey sikkey hi sahi par kisi ke kaam aaye
ye sher to dil chu gaya..tuhi likhte rahiye
Thanks & Regards
Aapka
Tanha _dil
Duniya mein dard-e-dil ki dawa hoti to pee gaye hote
Zindagi itni aasaan hoti .....to jee gaye hote.
|
|
|
|
|
'Bismil'
Offline
Posts: 773
Join Date: Mar 2006
Rep Power: 38
|
28th July 2009, 03:35 PM
Quote:
Originally Posted by maikasH
shiddat-e-dard kabhi aisey apne kaam aaye
rulaaye itnaa ke dil ko zaraa aaraam aaye
kabhi na waheguru, allah, na hi raam aaye
khayaal rab ka karuuN lab pe uska naam aaye
meri taubaa se nikaale hai dushmanii zaalim
kambakht yaad aaye jab bhi waqt-e-shaam aaye
ahl-e-duniya mujhe nocho khasoNT lo be-shaq
shart ye hai na koyee yaar pe ilzaam aaye
dard-e-tanhaayi, hijr, zakhm, nadaamat, aaNsuu
ai wafaa dekh tera bakht, kya eenaam aaye !
maine kar to liya safar tam'aam tanhaa bhi
tere khayaal magar mujhko gaam-gaam* aaye
* = qadam qadam par
ziNdagi bhar kisi ki dillagi ka saamaaN the
khoTey sikkey hi sahi par kisi ke kaam aaye
aaj socheN jo ziNdagi meN paaya-khoya kya ?
aik le-de ke faqat yaad teraa naam aaye !
tujhe hi bair ziNdagi se tha "maikash" varna
kazaa* se pehle kazaa ke bade paigaam aaye
* = maut
rab raakha
maikash
|
Maikash sahab,
kis sher ki tarif karun?? bahot khoob janaab..
yeh kuch sher ne behad mutasir kiya hai..
shiddat-e-dard kabhi aisey apne kaam aaye
rulaaye itnaa ke dil ko zaraa aaraam aaye
ahl-e-duniya mujhe nocho khasoNT lo be-shaq
shart ye hai na koyee yaar pe ilzaam aaye
dard-e-tanhaayi, hijr, zakhm, nadaamat, aaNsuu
ai wafaa dekh tera bakht, kya eenaam aaye !
aap yeh nahi jaante lekin meri ghazal maiN ruchi aapko aur ghalib ko padhne ke baad hui hai..
ibtiyaadi mod pe hai meri shayri isliye aapki ghazal ka tabsira karun yeh aukaat nahin meri..lekin jab bhi padhta hun aapko dil ko sukoon milta hai.
khush rahiye aur khuda se yehi dua hai ki aapko beshumaar shohrat haansil ho..
aapka dost,
Pradhyuman
-------------------------------------------------
gore ghareeban hai ye 'bismil', kyun tu naashaad nazar aata hai?
musht-e-khaak hai basi yahan, bata kahan fuwaad nazar aata hai?
--------------------------------------------------
|
|
|
|
|
An Incomplite Dream
Offline
Posts: 3,017
Join Date: Mar 2009
Rep Power: 30
|
28th July 2009, 03:36 PM
Maikash sahab aadaab,
Wakai ek behad mukammal aur dil ko tar tar karne wali gazal pesh kii hai aapne,
"Shiddat-e-dard kabhi aise aapne kaam to aaye" ek ek lafz dil kii gehrai bayaN kar gaya.. behad umda lagi aapki yeh Gazal bhi......
Aapke sabhi sher mujhe apne atit kii yaad mein nehla gaye... bahut khoob.......
Likhate rahiye...
Khush rahiye....
Allah aapko tandrust sehat aata farmaye aur aapke masail ko hal farmaye..... aameen
Khubsuraat aur behtreenpeshkash per dil se nikali daad kabool kareN...
|
|
|
|
|
Registered User
Offline
Posts: 309
Join Date: Mar 2006
Rep Power: 26
|
28th July 2009, 06:44 PM
Sir,
Bahot achchha likha hai aapne. Simply Great.
Meri Aapse guzarish hai aap ye mehfil chhod kar na jaayeiN. Really, hameiN aapki rachnaayeiN bahut pasand aati hai.
ziNdagi bhar kisi ki dillagi ka saamaaN the
khoTey sikkey hi sahi par kisi ke kaam aaye
Sir, itne logoN ko aapki ghazal, poems achchhi lagti hai is tarah se aap bahut saare logoN ke kaam aate hai.
Best wishes
-Rashid
Quote:
Originally Posted by maikasH
aadaab dosto
pichhle teen saaloN meiN yeh pehli baar ho raha hai ke maine ek hi hafte meiN yahaaN do GhazleiN post ki hoN......amooman kohshish yeh rehti hai ke do posts ke darmiyaaN ziyada se ziyada waqfa ho.....ab chooNke haalaat judaa haiN aur mere paas waqt ki behadd kamii hai isliye yeh taaza Ghazal mehfil ki nazar kar raha huuN
yahaaN jo saahib-e-ilm-o-zabaaN, urdu-adab ko samajhne waale hazraat maujood haiN voh is haqeeqat sa ba'khoobi waaqif haiN ek Ghazal ko apne asl muqaam par pahuNchne ke liye bohat darkaar hota hai, pehle rough draft taiyaar hota hai, phir uski tafseel se jaaNch hoti hai, wazan ko kayi rukhoN se parkha jaata hai aur zabaan ki laGhziishoN ki nishaandehi kee jaati hai, phir usey barhaa paarkhii nigaah se dekhne ke baad kahiiN jaa kar ek Ghazal taiyaar hoti hai
jaisa ke Khumaar Barabanki saahab keh gaye haiN :
sau baar yeh dil dard ki bhaTTi meiN jaley hai
tab aik Ghazal husn ke saaNche meiN Dhaley hai
yeh baat maiN aur sirf mera banaane waala jaanta hai ke maine aaj taq is bazm meiN jo bhi GhazleiN post kiiN hai voh mera pehla rough draft thiiN jaise ke yeh Ghazal bhi hai.....puraani jitni Ghazliiyaat haiN (posted here on SDC), har-ek meiN dheroN tabdiiliiyaaN kii gayi haiN, jo marrammat darkaar thi voh ki gayi aur phir maine unheiN dobara post nahiiN kiya go un meiN se kuch India,Pakistan aur Canada ke kuch urdu risaaloN meiN chhapp chukii haiN
mera iraada ek kitaab chappvaane ka tha jo ke haalaat ko madd-e-nazar rakhte hue ab mumkin nahiiN hai isliye aane waale kuch roz meiN voh saari Ghazliiyaat maiN unki nayi suurat meiN post karuuNga aur ummiid hai ke aap sabko pasaNd aayeNgii, uske baad maiN is mehfil se hamesha ke liye ijaazat chaahuNgaa (Mayank saahab aapse haath joD kar bintee hai ke aap is muddey par mujh se koii zabardasti nahiiN kareNgey, yeh official announcement hai, i've told Gaurav as well)
yeh message type karne se koi tees minute pehle mera iraada aap sabse kuch bohat hi personal baateiN share karne ka tha lekin ab voh iraada badal gaya hai shaayad kal shaam phir tabiyat ho uThe, ba-har-haal kal ki kal dekheNge
Ghazal mula'iiza famaiiye :
shiddat-e-dard kabhi aisey apne kaam aaye
rulaaye itnaa ke dil ko zaraa aaraam aaye
kabhi na waheguru, allah, na hi raam aaye
khayaal rab ka karuuN lab pe uska naam aaye
meri taubaa se nikaale hai dushmanii zaalim
kambakht yaad aaye jab bhi waqt-e-shaam aaye
ahl-e-duniya mujhe nocho khasoNT lo be-shaq
shart ye hai na koyee yaar pe ilzaam aaye
dard-e-tanhaayi, hijr, zakhm, nadaamat, aaNsuu
ai wafaa dekh tera bakht, kya eenaam aaye !
maine kar to liya safar tam'aam tanhaa bhi
tere khayaal magar mujhko gaam-gaam* aaye
* = qadam qadam par
ziNdagi bhar kisi ki dillagi ka saamaaN the
khoTey sikkey hi sahi par kisi ke kaam aaye
aaj socheN jo ziNdagi meN paaya-khoya kya ?
aik le-de ke faqat yaad teraa naam aaye !
tujhe hi bair ziNdagi se tha "maikash" varna
kazaa* se pehle kazaa ke bade paigaam aaye
* = maut
rab raakha
maikash
|
Tu AndheroN -ujaaloN me mila kar mujhko
Zindagi ab to sawaloN me mila kar mujhko
|
|
|
|
|
Registered User
Offline
Posts: 567
Join Date: Jul 2009
Location: Dubai
Rep Power: 29
|
28th July 2009, 09:03 PM
maine kar to liya safar tam'aam tanhaa bhi
tere khayaal magar mujhko gaam-gaam* aaye
* = qadam qadam par
ziNdagi bhar kisi ki dillagi ka saamaaN the
khoTey sikkey hi sahi par kisi ke kaam aaye
aaj socheN jo ziNdagi meN paaya-khoya kya ?
aik le-de ke faqat yaad teraa naam aaye !
tujhe hi bair ziNdagi se tha "maikash" varna
kazaa* se pehle kazaa ke bade paigaam aaye
* = maut
rab raakha
maikash[/quote]
Subhan Allah Maikash Sahab,
Chote munh badi baat hogi agar aap ke ehsaas aur uski adaayagi ke mutalliq kuch kehney ki zurrat karoo.n. Par itna zaroor kahunga ke aapke ehsaas ek nihayat hi sanjeeda, hassas aur insaani jazbaton ki parakh rakhne waley ki hai. Malik karey ke aap ki sohbat saalo.n tak bani rahey.
Love and Peace to you,
Shyam
Last edited by naadaan; 28th July 2009 at 09:06 PM..
|
|
|
|
|
Registered User
Offline
Posts: 4,715
Join Date: Jan 2004
Location: Khariar, Odisha
Rep Power: 0
|
29th July 2009, 04:04 PM
Quote:
Originally Posted by maikasH
mera iraada ek kitaab chappvaane ka tha jo ke haalaat ko madd-e-nazar rakhte hue ab mumkin nahiiN hai isliye aane waale kuch roz meiN voh saari Ghazliiyaat maiN unki nayi suurat meiN post karuuNga aur ummiid hai ke aap sabko pasaNd aayeNgii, uske baad maiN is mehfil se hamesha ke liye ijaazat chaahuNgaa (Mayank saahab aapse haath joD kar bintee hai ke aap is muddey par mujh se koii zabardasti nahiiN kareNgey, yeh official announcement hai, i've told Gaurav as well)
|
maikash bhaaii:
namaste:
jaisa aap chaahte.n, waisa hii hogaa, mai.n ab aap ko is mudde par koii zabardastii nahii.n karuu.nga.. pahle maine sochaa thaa, ki jab aap site se ijaazat le.nge to, mai.n bhi le lu.ngaa.. par abhii lagtaa nahii.n hai kii aisaa ho paayegaa.. kyu.n ki gaurav bhaii ne site ke management ki bohat baDii zimmedaari mujhe dee hai, jise mai.n nahii.n chhoDh sakta par haa.n, jis waqt bhii mujhe lagegaa ki site ko meri zaruurat nahii.n hai, tab khushii khushii site se chalaa jaau.ngaa..
mai.n aap ko zabardastii nahii.n roku.ngaa, par mujhe ummeed hai ki aap site par aate rahe.nge. kyun ki aap ko saath na dekh kar hame jitni takhliif hogii, utnii takhliif aap ko bhii hogii, hame saath na dekh kar... baakii, ooparwaala jaane..... aap apne sehat ka khayaal rakhiye....
ab aap kii Ghazal ka lutf liyaa jaaye! waise Ghazal maine usi waqt paDh liya tha jis waqt aap ne isay post kiyaa thaa.. aur yeh kahuu.n to Ghalat nahii.n hogaa ki yeh shayri.com me.n post kiye huye, aap ki sab se behtarii.n Ghazalo.n me.n ek hai..
Quote:
shiddat-e-dard kabhi yuN bhi apne kaam aaye
rulaaye itnaa ke dil ko zaraa aaraam aaye
|
waah! bohat hii gehra khayaal hai saahab, daad!
Quote:
kabhi na waheguru, allah, na hi raam aaye
khayaal rab ka karuuN lab pe uska naam aaye
|
jiyo maikash bhaaii! kyaa khuub matla-e-saani hai,meri nazar me.n sher yeh haasil-e-Ghazal hai... bohat khuub! (soch raha huu.n ki apne zehn mai.n aisa khayaal kyu.n nahii.n aata )
Quote:
meri taubaa se nikaale hai dushmanii zaalim
kambakht yaad aaye jab bhi waqt-e-shaam aaye
|
waah! sher yeh bhii pasand aaya..
Quote:
ahl-e-duniya mujhe nocho khasoNT lo be-shaq
shart ye hai na koyee yaar pe ilzaam aaye
|
waah! kyaa kahane.. isay kahte hai.n aashiq ki zabaan...zindaabaad!
Quote:
dard-e-tanhaayi, hijr, zakhm, nadaamat, aaNsuu
ai wafaa dekh tera bakht, kya eenaam aaye !
|
maikash bhaii,koii lafz nahii.n.. kyaa khuub hesaas hai.. waah waah
Quote:
maine kar to liya safar tam'aam tanhaa bhi
tere khayaal magar mujhko gaam-gaam* aaye
|
bohat khuub!
Quote:
ziNdagi bhar kisi ki dillagi ka saamaaN the
khoTey sikkey hi sahi par kisi ke kaam aaye
|
no comment!
Quote:
aaj socheN jo ziNdagi meN paaya-khoya kya ?
aik le-de ke faqat yaad teraa naam aaye !
|
waah saahaab! waah!
rajesh reddy saahab ka ek sher yaad aa gaya...
yaa Khudaa ab ke ye kis rang se aa_ii hai bahaar
zard hii zard hai pe.Do.n pe haraa kuchh bhii nahii.n
Quote:
tujhe hi bair ziNdagi se tha "maikash" varna
kazaa* se pehle kazaa ke bade paigaam aaye
|
maikash bhaii. aap ki ghazal ne beHud muta’assir kiya.daad o taHseen hazir e khidmat hai. qubool farmiaaye... aur yuu.n hii likhte rahiye...
Mayank
Last edited by Mayank; 29th July 2009 at 04:09 PM..
|
|
|
|
|
.. ek andaaz
Offline
Posts: 1,681
Join Date: Mar 2003
Location: lucknow , hindustaan
Rep Power: 37
|
30th July 2009, 11:27 AM
Quote:
mera iraada ek kitaab chappvaane ka tha jo ke haalaat ko madd-e-nazar rakhte hue ab mumkin nahiiN hai isliye aane waale kuch roz meiN voh saari Ghazliiyaat maiN unki nayi suurat meiN post karuuNga aur ummiid hai ke aap sabko pasaNd aayeNgii, uske baad maiN is mehfil se hamesha ke liye ijaazat chaahuNgaa (Mayank saahab aapse haath joD kar bintee hai ke aap is muddey par mujh se koii zabardasti nahiiN kareNgey, yeh official announcement hai, i've told Gaurav as well)
|
maiQash bhai ...
kaise mizaaj haiN ... ?
aap humaare darmiyaN shumaar haiN , jitnii khushi iss baat ki hai
..uss se kahiN ziyada gham sata rahaa hai ki ham logoN ke saath rahte hue bhi aap ke dil meiN ham logoN ko hi chor ke jaane ke khyaal aa rahe haiN ...!!!
wazah ...
shaayad aap ko humara saath na pasand ho ya kuch bhi ho sakta hai ... magar ek baat to tay hai ki koi insaan ussii jagah ko chor ke jata hai jahaN uss ka dil nahi lagta !
to agar aap buzm se ja rahe haiN to yaQiinan iss ke zimmedaar kahiN na kahiN ham log hi haiN !
khair aap ne irada to bana hi liya hai ...
magar ye jaan lijiye aapke iss faisle se yahaN mauzood koi bhi shakhs khush nahi hai !
merii jab sdc pe aamad huii thii to merii dillii khwaaish thii ki aap ko aur gaurav bhai ko parhuN !
aapko parhne ki khushnasiibii naseeb huii to lagne laga tha ki chaand ke saath sitaare bhi nazar aayenge ...
shaayad kuch aur ahbaab ko bhi parhne ka mauka mile ... par lagta hai ki ye issii jagah pe mauQoof hai ..
aap jana chaahte haiN shauk se jaaiye ... hum rokenge nahi ... par jaane se pehle hamaarii khata bataiye ... jaane ki wazah bataiye ...
socha tha ki iss ghazal pe der talak tazkira hoga ... par ab sirf itna kahunga ki ...
AB JAANE KAB YE ZAH NASEEB HO ...
ghazal pe daad haazir hai ..
chalta huN
allaaH haafiz !
Last edited by kshitiz; 30th July 2009 at 11:33 AM..
|
|
|
|
|
Zakhm-e-Rooh
Offline
Posts: 2,220
Join Date: Nov 2004
Location: ahmedabad
Rep Power: 33
|
31st July 2009, 12:03 AM
Quote:
Originally Posted by maikasH
aadaab dosto
pichhle teen saaloN meiN yeh pehli baar ho raha hai ke maine ek hi hafte meiN yahaaN do GhazleiN post ki hoN......amooman kohshish yeh rehti hai ke do posts ke darmiyaaN ziyada se ziyada waqfa ho.....ab chooNke haalaat judaa haiN aur mere paas waqt ki behadd kamii hai isliye yeh taaza Ghazal mehfil ki nazar kar raha huuN
yahaaN jo saahib-e-ilm-o-zabaaN, urdu-adab ko samajhne waale hazraat maujood haiN voh is haqeeqat sa ba'khoobi waaqif haiN ek Ghazal ko apne asl muqaam par pahuNchne ke liye bohat waqt darkaar hota hai, pehle rough draft taiyaar hota hai, phir uski tafseel se jaaNch hoti hai, wazan ko kayi rukhoN se parkha jaata hai aur zabaan ki laGhziishoN ki nishaandehi kee jaati hai, phir usey barhaa paarkhii nigaah se dekhne ke baad kahiiN jaa kar ek Ghazal taiyaar hoti hai
jaisa ke Khumaar Barabanki saahab keh gaye haiN :
sau baar yeh dil dard ki bhaTTi meiN jaley hai
tab aik Ghazal husn ke saaNche meiN Dhaley hai
yeh baat maiN aur sirf mera banaane waala jaanta hai ke maine aaj taq is bazm meiN jo bhi GhazleiN post kiiN hai voh mera pehla rough draft thiiN jaise ke yeh Ghazal bhi hai.....puraani jitni Ghazliiyaat haiN (posted here on SDC), har-ek meiN dheroN tabdiiliiyaaN kii gayi haiN, jo marrammat darkaar thi voh ki gayi aur phir maine unheiN dobara post nahiiN kiya go un meiN se kuch India,Pakistan aur Canada ke kuch urdu risaaloN meiN chhapp chukii haiN
mera iraada ek kitaab chappvaane ka tha jo ke haalaat ko madd-e-nazar rakhte hue ab mumkin nahiiN hai isliye aane waale kuch roz meiN voh saari Ghazliiyaat maiN unki nayi suurat meiN post karuuNga aur ummiid hai ke aap sabko pasaNd aayeNgii, uske baad maiN is mehfil se hamesha ke liye ijaazat chaahuNgaa (Mayank saahab aapse haath joD kar bintee hai ke aap is muddey par mujh se koii zabardasti nahiiN kareNgey, yeh official announcement hai, i've told Gaurav as well)
yeh message type karne se koi tees minute pehle mera iraada aap sabse kuch bohat hi personal baateiN share karne ka tha lekin ab voh iraada badal gaya hai shaayad kal shaam phir tabiyat ho uThe, ba-har-haal kal ki kal dekheNge
Ghazal mula'iiza famaiiye :
shiddat-e-dard kabhi yuN bhi apne kaam aaye
rulaaye itnaa ke dil ko zaraa aaraam aaye
kabhi na waheguru, allah, na hi raam aaye
khayaal rab ka karuuN lab pe uska naam aaye
meri taubaa se nikaale hai dushmanii zaalim
kambakht yaad aaye jab bhi waqt-e-shaam aaye
ahl-e-duniya mujhe nocho khasoNT lo be-shaq
shart ye hai na koyee yaar pe ilzaam aaye
dard-e-tanhaayi, hijr, zakhm, nadaamat, aaNsuu
ai wafaa dekh tera bakht, kya eenaam aaye !
maine kar to liya safar tam'aam tanhaa bhi
tere khayaal magar mujhko gaam-gaam* aaye
* = qadam qadam par
ziNdagi bhar kisi ki dillagi ka saamaaN the
khoTey sikkey hi sahi par kisi ke kaam aaye
aaj socheN jo ziNdagi meN paaya-khoya kya ?
aik le-de ke faqat yaad teraa naam aaye !
tujhe hi bair ziNdagi se tha "maikash" varna
kazaa* se pehle kazaa ke bade paigaam aaye
* = maut
rab raakha
maikash
|
Maikash jee aap ko qaafee vaqt baad padhaa behad khoob surat ghazal likhi hai aap ne, vaise mera bhi is site par aaj bahut mahino baad aana hua hai, magar meri jaise aap ki ghazal par nazar padi mai apne ko rok nahi paaya is ghazal ko padhane se. Haan ye baat dukh ki hai aap is site ko chhor rahe ho. Vaise yeh aap ka nizee maamla hai to ise nizee hi rehne de yeh behtar hai.
aap ki ghazal behad pasand aayii, har ek sher qaabil-e-taariif hai, vaise mera ghazal likhana bandh ho gaya hai is liye mai koi aur comment nahi karunga bas itna hee puchhna chaahoonga kii yeh ghazal kaun se behr men likhi gayi hai..?
aur ek baaat Gustaakhi maauf
Magar is se pehle bhi qaaffe log SDC chhorne ka ailaan kar ke gaye hai magar aaj tak koii chhor nahi paaya, jitne bhi gaye sab vaapis to aaye hee hai. is mai mai bhi saamil hoon aur mayank janaab bhi kyunki is SDC family ki baat hii kuchh aur hai.
kisii baat ka bura laga ho to maaufee chahta hoon
Dil se mubaarakbaad qubuul kare is khubsurat ghazal par
regards
manu
Last edited by acharya_mj; 31st July 2009 at 12:09 AM..
|
|
|
|
|
Anshumali
Offline
Posts: 7,420
Join Date: Apr 2009
Location: DELHI (INDIA)
Rep Power: 86
|
31st July 2009, 12:56 AM
maikash ji....kiya khub likhi hai.....aapne yeh ghazal.......mere paas taarif ke liye lafz kam pad gaye hai....zindgi ke bahut kareeb lagti hai ..... har sher ki panktiya....gehraai itni ki ...sochne ko mazboor kar de....aise hi likte rahiye.........khush rahiye.....
YuuN Besabab Aansoo Aate NahiN
Lag Zaroor Koii Baat Dil Ko Rahii Hai ...
Fareb Kaa ChaDhtaa Bazaar Dekh
Insaaf Se Bastii Khaalii Ho Rahii Hai ...
---Naresh Mehra----
|
|
|
|
|
raj
Offline
Posts: 2,332
Join Date: Aug 2003
Location: dil mein khud ke..aisa nahi kisi ko mera pata nahi hai mujhe dhundhne ki had tak koi dhundhta nahi hai..un
Rep Power: 34
|
31st July 2009, 01:19 AM
achi gazal hai
kabhi na waheguru, allah, na hi raam aaye
khayaal rab ka karuuN lab pe uska naam aaye
is sher ke kya kahne...
magar aap kaha ja arhe hai chhod ke sdc
कुछ ऐसे पल जिनको संजोना है ,
शब्दों में पिरोना है , जिससे वो हमारी यादों में महकते रहे
|
|
|
|
|
ek shoonya
Offline
Posts: 1,748
Join Date: Jul 2002
Location: दिल्ली व देहरादून
Rep Power: 30
|
31st July 2009, 05:57 PM
Namaskaar Maikash Ji
bahaut samay baad aapko parhney ka awsar mila.
Aapki ghazal bahaut pasand aayee. Khaaskar yeh sher
" tujhe hi bair ziNdagi se tha "maikash" varna | kazaa se pehle kazaa ke bade paigaam aaye "
aabhaar
vipin
विपिन
Last edited by Vipinbox; 31st July 2009 at 06:02 PM..
|
|
|
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
1st August 2009, 01:42 AM
Sat Shri Akaal Mandeep jee
aapne to laa-jawaab kar diya hai, samajh meiN nahiiN aata ke jawaab kaise duuN, ba-har-haal kohshish karta huuN
ek waqt tha jab maiN internet par maujuud urdu-adab ki koii darjan bhar mehfiiloN meiN shirkat kiya karta tha, phir haalaat kuch aise bane'y ke is forum ko choR duusrii jagah par haaziri bharne taq ka waqt naeeN mil paata tha, lekin yahaaN maiN ba-das'tuur aata raha huuN, SDC se mujhe khaas lagaav hai, yeh jagah mei achche-burey dinoN meiN mere saath rahi hai aur mere ilaawa is baat ka koii aNdaazah bhi nahiiN lagaa sakta ke isey alvidaa kehte hue mujhe kitna dukh ho raha hai
lekin har safar ki ek maNzil hoti hai, maqaam hota hai, mera aur SDC ka saath bas yahiiN taq tha, afsoso ki baat hai lekin sach hai
is jagah ne mujhe aap jaise khair-khwaahoN aur dostoN ki be-panaah mohabbat ataa ki hai jo mere liye besh'qeematii hai
aap dil choTa na kijiye, is forum par aaj aise shayar maujuud haiN jinke aage meri sukhan'fehmii mazaaq ka darjaa rakhti hai, yeh aapki mohabbat hai jo phir bhi aapne hausla'afza'ii ki hai
daad ke liye shukriya qabuul farmaa'iiye
go socha kuch aur tha lekin is post par uupar kuch khatoN ko padhne ke baad yeh ta'y kiya hai ke yeh post meri is forum par aakhiri post hai agar koii aur Ghazal post karni hogi to maiN isii post meiN karuuNga, alehdaa thread naeeN kholuuNgaa
tuhaadiiyaaN duaavaaN da karjaii rahaaNgaa
rab raakha
maikash
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
|
|
|
|
|
Registered User
Offline
Posts: 514
Join Date: Sep 2007
Rep Power: 23
|
1st August 2009, 01:07 PM
Maikash,
Adaab....
Internet ki dunia ko kheraabaad keh chuki thee Maham aur mehfilon mein tou shaazonaazir hee jatee thee...Is bazm se rukh morhe sadiyaan beeteen.......Eik do roz pehle jo yukbaar is bazm ki raahon se guzri tou apki ghazal ne qadmon ko agaye barhne se rok diya.
Majbur kar diya ke is dilpazeer ghazal pe apne haqeer se khayalaat ka izhaark artee chale maham...
Gu ke behud chehne wale hein apke is mehfil mein , bauhat see mautbar nigahain is tehreer ko chu ke apki buahat qeemtee bana chukee hein aur aise mein Maham ki adnaa see bewuqat shakhsiyat ki ye adnaa see daad koi manaiy nahi rakhtee magar b as dil ne kaha ke batatee chale Maham ke dil pe b uahat gehra acar chora hei is tehreer ne .....
Dard ki soorat phelte mehsus kiye hein ashaar tamaam hee apke dil o jaan mein .......Hasb e haal mehsus hoay kayee ashaar ishee liye shayed dil mein jazb ho gaye.....
Hur sher eik daastan ho jaise , hur micra khaak uraata hoa , hur lafz jaise sookhe khizaan ke patte jaabajaa urte haoy , sari ghazal hee jaise koi weeraan angan ho jahan koi betha khudkalami kar raha ho , Koi kiya daad se navazae aise regzaar ko jis se guzarte hoay lage ke koi waadi e purkhaar ka safar ho .........
shiddat-e-dard kabhi yuN bhi apne kaam aaye
rulaaye itnaa ke dil ko zaraa aaraam aaye
dard-e-tanhaayi, hijr, zakhm, nadaamat, aaNsuu
ai wafaa dekh tera bakht, kya eenaam aaye !
maine kar to liya safar tam'aam tanhaa bhi
tere khayaal magar mujhko gaam-gaam* aaye
ziNdagi bhar kisi ki dillagi ka saamaaN the
khoTey sikkey hi sahi par kisi ke kaam aaye
aaj socheN jo ziNdagi meN paaya-khoya kya ?
aik le-de ke faqat yaad teraa naam aaye !
Akcar ashaar( jaise ke mandarjabala ashaar) aise ke chucphaap palkon se tapakte hoay bewuqat ansoun ne unko daad se navazaa , kuch ashaar bas eik tees ki manind saraiyaat kar gaye jism mein ......
Bari khamoshi see chaa gayee atraaf mein is ghazal ke mahol mein zam hote hoay
Apke qalam ki madaah rahee hei sada se Maham ( shayed ke apko yaad ho) is ehsaas pe aaj phir apki ghazal mohar cabt kar gayee...
Behud qeemtee apka qalam hazrat,
Rab apki aur is qalam ki hifazat kare
|
|
|
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
5th August 2009, 05:06 AM
Quote:
Originally Posted by Tanha_Dil
hai hai maikash ji ..subhaan allah !! bahot khoob janaab...kya khoob likha hai aapne ..
ziNdagi bhar kisi ki dillagi ka saamaaN the
khoTey sikkey hi sahi par kisi ke kaam aaye
ye sher to dil chu gaya..tuhi likhte rahiye
|
aadaab hazrat
aapne ek she'r khusuusan pasaNd farmaaya to uske liye khusuusii samaan-e-shukur'guzaarii bhi tasleem farmaiiye
rab raakha
maikash
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
|
|
|
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
5th August 2009, 05:11 AM
Quote:
Originally Posted by Pradhyuman
Maikash sahab,
kis sher ki tarif karun?? bahot khoob janaab..
yeh kuch sher ne behad mutasir kiya hai..
shiddat-e-dard kabhi aisey apne kaam aaye
rulaaye itnaa ke dil ko zaraa aaraam aaye
ahl-e-duniya mujhe nocho khasoNT lo be-shaq
shart ye hai na koyee yaar pe ilzaam aaye
dard-e-tanhaayi, hijr, zakhm, nadaamat, aaNsuu
ai wafaa dekh tera bakht, kya eenaam aaye !
aap yeh nahi jaante lekin meri ghazal maiN ruchi aapko aur ghalib ko padhne ke baad hui hai..
ibtiyaadi mod pe hai meri shayri isliye aapki ghazal ka tabsira karun yeh aukaat nahin meri..lekin jab bhi padhta hun aapko dil ko sukoon milta hai.
khush rahiye aur khuda se yehi dua hai ki aapko beshumaar shohrat haansil ho..
aapka dost,
Pradhyuman
|
Pradhyuman saheb
namaste aur aadaab
bhai aapne chahchaa Ghalib ke saath mujh na-ehl ka naam liya is baat se jitni khushi hui hai kehna muhaal hai aur aapki is qadr'daani aur mohabbat ke liye meiN aapka bohat hi shukurguzaar huuN
aapne jo ash'aar pasaNd farmaaye haiN unke liye shukriya qabuul kareiN
rab raakha
maikash
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
|
|
|
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
16th August 2009, 01:54 AM
aadaab bhai
miyaaN haif ke aapko apne ateet ki yaad aur jis lehje meiN aapne is baat ka zikr kiya hai so zaahir hai ke voh yaadeiN chubhii zaroor hoNgi to ise'y madd-e-nazar rakhuuN to yeh kehna jaayiz nahiiN hai ke "sun kar khushi huii" ke aapko Ghazal pasaNd aayi go "himmat-e-mardaaN, madadd-e-khuda" chal jaata hai kisi tarah aap aur hum jaisoN ka kaam
ba-har-haal aapne jo apna qeematii waqt is haqeer si kavish pe tabsira likhne meiN sarf kiya hai uske liye aapka shukriya zaroor adaa karna chahuuNga....tasleem farma'iiyega
rab raakha
maikash
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
|
|
|
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
16th August 2009, 01:59 AM
Quote:
Originally Posted by Rashid_rahil
Sir,
Bahot achchha likha hai aapne. Simply Great.
Meri Aapse guzarish hai aap ye mehfil chhod kar na jaayeiN. Really, hameiN aapki rachnaayeiN bahut pasand aati hai.
ziNdagi bhar kisi ki dillagi ka saamaaN the
khoTey sikkey hi sahi par kisi ke kaam aaye
Sir, itne logoN ko aapki ghazal, poems achchhi lagti hai is tarah se aap bahut saare logoN ke kaam aate hai.
Best wishes
-Rashid
|
Rashid miyaaN aadaab
hazrat pehle to Ghazal pasaNd farmaane ke liye shukriya Tikaaiiye aur duuje yeh sun kar khoob tassalli huii hai ke aapko meri tuk'baNdii kisi qaabil nazar aati hai, aap jaise faraaKhdil qadr'daanoN ki meherbaani hai saahab varna mujh jaisoN ki kya bisaat !!!!
rab raakha
maikash
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
|
|
|
|
|
Registered User
Offline
Posts: 1,252
Join Date: Jun 2007
Location: Jalandhar
Rep Power: 30
|
16th August 2009, 10:20 AM
shiddat-e-dard kabhi aisey apne kaam aaye
rulaaye itnaa ke dil ko zaraa aaraam aaye
kabhi na waheguru, allah, na hi raam aaye
khayaal rab ka karuuN lab pe uska naam aaye
meri taubaa se nikaale hai dushmanii zaalim
kambakht yaad aaye jab bhi waqt-e-shaam aaye
ahl-e-duniya mujhe nocho khasoNT lo be-shaq
shart ye hai na koyee yaar pe ilzaam aaye
dard-e-tanhaayi, hijr, zakhm, nadaamat, aaNsuu
ai wafaa dekh tera bakht, kya eenaam aaye !
maine kar to liya safar tam'aam tanhaa bhi
tere khayaal magar mujhko gaam-gaam* aaye
Aap jab koi shyari,gazal ya nazam likhte ho to bari gehrai me ja kar likhte ho,
alfaaz bhi aap chun chun kr gazal me pesh kiye, Nice Sharing
Anil Arora
Naulekahe par tere khoon ki boond hai,
Motiyo ki jagah par jada kaun hai,
Jiski khatir daga chandini se kare,
Puch suraj ki woh dilruba kaun hai?
|
|
|
|
|
Registered User
Offline
Posts: 875
Join Date: Nov 2004
Location: udaipur
Rep Power: 35
|
16th August 2009, 11:20 AM
aadaab Maikash bhaai!
kaise mizaaj hai? ummeed kartaa huN sab khariyat se hogaa. ghazal bahut khoob hai so mujh naacheez kee daad qabool keejiye. bah'rhaal yahaaN se jaane ke faisle kaa koee sabab to hogaa. meree duaae aapke saath hameshaa thee aur rahegee. kisee din fursat meN phone keejiyegaa. tafseel se baat hogee. apnaa khayaal rakhiyegaa.
dua go
Dheer
|
|
|
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
17th August 2009, 05:11 AM
Quote:
Originally Posted by naadaan
maine kar to liya safar tam'aam tanhaa bhi
tere khayaal magar mujhko gaam-gaam* aaye
* = qadam qadam par
ziNdagi bhar kisi ki dillagi ka saamaaN the
khoTey sikkey hi sahi par kisi ke kaam aaye
aaj socheN jo ziNdagi meN paaya-khoya kya ?
aik le-de ke faqat yaad teraa naam aaye !
tujhe hi bair ziNdagi se tha "maikash" varna
kazaa* se pehle kazaa ke bade paigaam aaye
* = maut
rab raakha
maikash
|
Subhan Allah Maikash Sahab,
Chote munh badi baat hogi agar aap ke ehsaas aur uski adaayagi ke mutalliq kuch kehney ki zurrat karoo.n. Par itna zaroor kahunga ke aapke ehsaas ek nihayat hi sanjeeda, hassas aur insaani jazbaton ki parakh rakhne waley ki hai. Malik karey ke aap ki sohbat saalo.n tak bani rahey.
Love and Peace to you,
Shyam[/QUOTE]
muhtaram Shyam saheb
aadaab, namaste aur SSA
saheb aapko puura haq ke aapke dil meiN jo hai voh kaheiN...umr meiN aap mujhse bade aur badoN ka ehteraam karna mujhe viraasat meiN milaa hai isliye aapse guzaarish hai ke jo baat kehna chaaheiN bilaa-jhijhak kaheiN
aapne jo izzat baKhshii hai uske liye behadd shukurguzaar huuN aur duaaoN ke liye karzdaar huuN aapka
kuch arsaa qabl aapka khat milaa tha jiski raseed maine aapko bhej di thi albatta waqt aur haalaat ki paabaNdiiyoN ke zer-e-saaya tafseeli khat abhi taq nahiiN bhej paaya huuN.....thoDii mohlat darkaar hai.....kuch roz meiN aapko fursat se khat likhuuNgaa
rab raakha
maikash
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
|
|
|
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
17th August 2009, 05:22 AM
Quote:
Originally Posted by Mayank
maikash bhaaii:
namaste:
jaisa aap chaahte.n, waisa hii hogaa, mai.n ab aap ko is mudde par koii zabardastii nahii.n karuu.nga.. pahle maine sochaa thaa, ki jab aap site se ijaazat le.nge to, mai.n bhi le lu.ngaa.. par abhii lagtaa nahii.n hai kii aisaa ho paayegaa.. kyu.n ki gaurav bhaii ne site ke management ki bohat baDii zimmedaari mujhe dee hai, jise mai.n nahii.n chhoDh sakta par haa.n, jis waqt bhii mujhe lagegaa ki site ko meri zaruurat nahii.n hai, tab khushii khushii site se chalaa jaau.ngaa..
mai.n aap ko zabardastii nahii.n roku.ngaa, par mujhe ummeed hai ki aap site par aate rahe.nge. kyun ki aap ko saath na dekh kar hame jitni takhliif hogii, utnii takhliif aap ko bhii hogii, hame saath na dekh kar... baakii, ooparwaala jaane..... aap apne sehat ka khayaal rakhiye....
ab aap kii Ghazal ka lutf liyaa jaaye! waise Ghazal maine usi waqt paDh liya tha jis waqt aap ne isay post kiyaa thaa.. aur yeh kahuu.n to Ghalat nahii.n hogaa ki yeh shayri.com me.n post kiye huye, aap ki sab se behtarii.n Ghazalo.n me.n ek hai..
waah! bohat hii gehra khayaal hai saahab, daad!
jiyo maikash bhaaii! kyaa khuub matla-e-saani hai,meri nazar me.n sher yeh haasil-e-Ghazal hai... bohat khuub! (soch raha huu.n ki apne zehn mai.n aisa khayaal kyu.n nahii.n aata )
waah! sher yeh bhii pasand aaya..
waah! kyaa kahane.. isay kahte hai.n aashiq ki zabaan...zindaabaad!
maikash bhaii,koii lafz nahii.n.. kyaa khuub hesaas hai.. waah waah
bohat khuub!
no comment!
waah saahaab! waah!
rajesh reddy saahab ka ek sher yaad aa gaya...
yaa Khudaa ab ke ye kis rang se aa_ii hai bahaar
zard hii zard hai pe.Do.n pe haraa kuchh bhii nahii.n
maikash bhaii. aap ki ghazal ne beHud muta’assir kiya.daad o taHseen hazir e khidmat hai. qubool farmiaaye... aur yuu.n hii likhte rahiye...
Mayank
|
Mayank saheb
namaste
pehle to yeh bataa duuN ke aapka bohat ehsaanmaNd huuN jo aapne is dafaa meri mushkil qadran aasaan kar di hai, Gaurav ne aapko jo zimmedaari sauNpii hai mujhe puura yaqeen hai ke usey aap badi imaandaari aur mehnat se nibhaayeNge aur miyaaN mere rehne ya na rehne se koi farq nahiiN paDta jab taq aap jaise sho'ra is bazm meiN maujuud haiN, rahi mere fais'lay ki baat to saheb Bahdur Shah Zafar saheb ke do misrey khaas aapki nazr haiN :
lagta nahiiN hai jee mi'ra ujDe dayaar meiN
kis ki banii hai aalam-e-na-paye'daar meiN
chaliye Ghazal par aapke tabsirey par aate haiN....aapne hamesha ki tarah is baar bhi baDi dariya'dilii se mujh na-ehl ki hau'slaa-afza'ii ki hai jiske liye aapka shukurguzaar huuN....Ghazal is laayaq nahiiN thi jitni daad aapne ataa kar di....bohat shukriya
rab raakha
maikash
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
|
|
|
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
17th August 2009, 05:50 AM
Quote:
Originally Posted by kshitiz
maiQash bhai ...
kaise mizaaj haiN ... ?
aap humaare darmiyaN shumaar haiN , jitnii khushi iss baat ki hai
..uss se kahiN ziyada gham sata rahaa hai ki ham logoN ke saath rahte hue bhi aap ke dil meiN ham logoN ko hi chor ke jaane ke khyaal aa rahe haiN ...!!!
wazah ...
shaayad aap ko humara saath na pasand ho ya kuch bhi ho sakta hai ... magar ek baat to tay hai ki koi insaan ussii jagah ko chor ke jata hai jahaN uss ka dil nahi lagta !
to agar aap buzm se ja rahe haiN to yaQiinan iss ke zimmedaar kahiN na kahiN ham log hi haiN !
khair aap ne irada to bana hi liya hai ...
magar ye jaan lijiye aapke iss faisle se yahaN mauzood koi bhi shakhs khush nahi hai !
merii jab sdc pe aamad huii thii to merii dillii khwaaish thii ki aap ko aur gaurav bhai ko parhuN !
aapko parhne ki khushnasiibii naseeb huii to lagne laga tha ki chaand ke saath sitaare bhi nazar aayenge ...
shaayad kuch aur ahbaab ko bhi parhne ka mauka mile ... par lagta hai ki ye issii jagah pe mauQoof hai ..
aap jana chaahte haiN shauk se jaaiye ... hum rokenge nahi ... par jaane se pehle hamaarii khata bataiye ... jaane ki wazah bataiye ...
socha tha ki iss ghazal pe der talak tazkira hoga ... par ab sirf itna kahunga ki ...
AB JAANE KAB YE ZAH NASEEB HO ...
ghazal pe daad haazir hai ..
chalta huN
allaaH haafiz !
|
kshitiz miyaaN
aadaab
miyaaN aapne badi museebat meiN daal diya hai, ab samajh meiN yeh nahiiN aa raha hai ke jawaab kahaaN se shuru karuuN ba-har-haal kohshish karta huuN.....
dekheiN bhai maiN pichhle 10 saal se internet par bohat saari urdu-adab ki mehfiloN meiN shirkat karta aaya huuN aur in das saaloN meiN aise-aise shayroN ko internet se apne jaane ka bina koi ai'laan kiye gaayab hote dekha hai aur un meiN se kam se kam do aise shayar haiN jinki Ghair-maujuudgi meiN naye likhne aur seekhne ki tammanna rakhne waalon ka kitna bhaari nuqsaan huaa hai iska shayad kisi ko bhi aNdaazah nahiiN hai, inhiiN hadisoN par ga'ur karte hue maine socha tha ke kam se kam apne jaane ki khabar mehfil ko karna to mera farz ban'ta hai
SDC ko maine apni ziNdagii ke 8 saal diye haiN aur mere khayaal meiN aaj-kal jo members active haiN un meiN se aapka khaadim sabse puraana member hai (someone correct me if i'm wrong).........is jagah ko sajaane-saNwaarne meiN mera bohat khoon-paseena lagaa hai.....ab aisi jagah ko alvidaa kehna namumkin nahiiN to behadd mushkil zaroor hai......kuch wajuhaat zyaati haiN to kuch nahiiN, ab maNzir-e-aam par aur kya kahuuN ?
aapki mohabbataoN ka maiN hamesha karzdaar raha huuN aur aage bhi rahuuNga
jaane waaloN se naaraaz nahiiN huaa karte
rab raakha
maikash
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
|
|
|
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
17th August 2009, 06:05 AM
Quote:
Originally Posted by acharya_mj
Maikash jee aap ko qaafee vaqt baad padhaa behad khoob surat ghazal likhi hai aap ne, vaise mera bhi is site par aaj bahut mahino baad aana hua hai, magar meri jaise aap ki ghazal par nazar padi mai apne ko rok nahi paaya is ghazal ko padhane se. Haan ye baat dukh ki hai aap is site ko chhor rahe ho. Vaise yeh aap ka nizee maamla hai to ise nizee hi rehne de yeh behtar hai.
aap ki ghazal behad pasand aayii, har ek sher qaabil-e-taariif hai, vaise mera ghazal likhana bandh ho gaya hai is liye mai koi aur comment nahi karunga bas itna hee puchhna chaahoonga kii yeh ghazal kaun se behr men likhi gayi hai..?
aur ek baaat Gustaakhi maauf
Magar is se pehle bhi qaaffe log SDC chhorne ka ailaan kar ke gaye hai magar aaj tak koii chhor nahi paaya, jitne bhi gaye sab vaapis to aaye hee hai. is mai mai bhi saamil hoon aur mayank janaab bhi kyunki is SDC family ki baat hii kuchh aur hai.
kisii baat ka bura laga ho to maaufee chahta hoon
Dil se mubaarakbaad qubuul kare is khubsurat ghazal par
regards
manu
|
Manu saheb
namaste
bhai yaqeen kareiN maine jis din aapka yeh khat paDhaa usii din se tadap raha tha jawaab dene ke liye......aapke khat ke aakhiri hissey ka jawaab khusuusan de raha huuN
aapne farmaaya ke mujhse pehle bhi kayi log SDC choR kar jaane ka ai'laan karte rahe haiN lekin gaye nahiiN....pehli baat to yeh hai miyaaN ke un logoN ki kya majbooriiyaaN thiiN ya unke ailaan ka kya sababb tha iska mujhe koii ilm nahiiN hai
aur duuji baat yeh hai ke is site par mere jitna sar-phiraa, ziddi ya "sankii" keh lijiye.....aur koii nahiiN hai aur ab aapka yeh khat paDhne ke baad baat "zidd" par aa Tikii hai
chaliye yeh mera aapse zyaati vaada hai jis din yeh thread close ya dead ho jayega us din ke baad maiN aapko yahaaN nahiiN miluuNgaa
ab yeh baat zabaan ki hai......maine ek shakhs ko 16 saal pehle zabaan di thi jo aaj taq nibhaa raha huuN.....ab aapko de raha huuN...... parakh aap khud kar lijiyega
khush rahiye
rab raakha
maikash
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
|
|
|
|
|
Shayri.com Moderator
Offline
Posts: 10,551
Join Date: Aug 2006
Location: INDIA
Rep Power: 59
|
17th August 2009, 02:12 PM
maikaSh bhaiya:
Pranaam!
bahot baar aaya maiN ees Thread pe.. par na jaane kyuuN kuch kehne kii himmat nahiiN ho rahee thee.. duKh ho rahaa thaa bahot .. par Zaruur aapki koi waj'H hoNgii... aap aur aap ki GhazaleN haMeShaa mere dil meiN raheNge! aapse bahot kuch seeKhaa haii maiNe ! duaa hay Khudaa aapko haMeShaa KhuSh raKheN.. apnaa achchhe se Khayaal raKhiyeNgaa..!
aapki Ghazal haMeShaa ki tarah laa-jawaab rahee ! ees naGhz Ghazal par mere dil se nikli hu'ii daad ko qabUl keejiyeNgaa!
duaaoN ke saath ijaazat
Jai Shree kriShnaa..!
aapka
~ Dhaval
*~*Dhaval*~*....Ek Ehsaas...
|
|
|
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
19th August 2009, 10:19 PM
Quote:
Originally Posted by naresh_mehra110
maikash ji....kiya khub likhi hai.....aapne yeh ghazal.......mere paas taarif ke liye lafz kam pad gaye hai....zindgi ke bahut kareeb lagti hai ..... har sher ki panktiya....gehraai itni ki ...sochne ko mazboor kar de....aise hi likte rahiye.........khush rahiye.....
|
Naresh saheb
namaste
bhai mera aNdaazah Ghalat nahiiN hai to maiN pehli bar aapse muKhaatib ho raha huuN (aur agar Ghalat hai to ba-sad-mazrat arz hai ke jaane dijiyega...kya hai ke suroor meiN aisi GhalatiiyaaN ho jaaya kari haiN ) us lihaaz se aapka khair-makhdam hai aur aapne Ghazal pe daad ataa ki hai, sar-aaNhkoN par.....bohat shukriya
rab raakha
maikash
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
|
|
|
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
19th August 2009, 10:26 PM
Quote:
Originally Posted by sakhi1909
achi gazal hai
kabhi na waheguru, allah, na hi raam aaye
khayaal rab ka karuuN lab pe uska naam aaye
is sher ke kya kahne...
magar aap kaha ja arhe hai chhod ke sdc
|
Sakhi sahiba
namste
ek she'r aapko khaas ta'ur se pasaNd farmaaya hai to uske liye khusuusan shukurguzaar huuN.....inayat hai aapki
jaa to kahiiN nahiiN raha, bas yahaaN se daana-paani uTh'ne ka waqt aa gaya hai
rab raakha
maikash
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
|
|
|
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
19th August 2009, 10:37 PM
Quote:
Originally Posted by Vipinbox
Namaskaar Maikash Ji
bahaut samay baad aapko parhney ka awsar mila.
Aapki ghazal bahaut pasand aayee. Khaaskar yeh sher
" tujhe hi bair ziNdagi se tha "maikash" varna | kazaa se pehle kazaa ke bade paigaam aaye "
aabhaar
vipin
|
namashkaar Vipin mahodya
dhanya-bhaag hamaare, jo aap jee padhaare
mujhe yaad bhi nahiiN ke aapse pichhli baar vaartaa-laap kab hua tha, maiN aapko bohat suljha hua kavi maanta huuN isliye aapse baat karte hue bohat prasann'ta ho rahi hai
aapne maqta khaas ta'ur se pasaNd farmaaya, dhanyavaad
rab raakha
maikash
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
|
|
|
|
|
Registered User
Offline
Posts: 4,715
Join Date: Jan 2004
Location: Khariar, Odisha
Rep Power: 0
|
20th August 2009, 11:37 AM
maikash bhaii,
mazrat chaahta huu.n, kaii baar aisa hota hai, ki ham kuchh kahana aur chaahte hai.n par lafzo.n se hamaari ehsaaso.n puuri tarah bayaa.n nahii.n ho paate.. ehsaas kuchh aur hote hai.n, aur lafz kuchh aur ishaara kar dete hai.n.. shaayad aisa hi kuchh is baar mere saath bhii huaa hai..
maikash bhaii, aap mere behad azeez ho,. aur aap un me.n se ho, jin kii mai.n dil ki gehraaio.n se izzat karta huu.n.. bhagwaan aap ko khush rakkhe aur lambi umr de yehii prthana hai....
bhaii, mai.n to yeh chaahta huu.n ki, aap hameshaa yahaa.n bane rahe.n, aur ham sab par apna pyaar yuu.n hee luTaate rahe.n... aap ne forum ke liye, isay yahaa.n tak laane ke liye bohat mehnat kii hai aur yeh baat sab jaante hai.n... aap jitne achche shayar hai.n, utne achche insaan bhii hai.n.. aap yahaa.n aate hai.n, yah baat bhee, ham jaiso.n ke liye behad hausila afzaaii kii hai.. bado.n ka kaam hota hai chhoTo.n ko muaaf kar dena.. agar mujh se, ya forum ke kisii bhi member se kisii bhi baat se agar aap ke dil ko Thesh pahunchii ho, to mai.n un sab ki taraf se aap se muaafi maa.ngataa huu.n...
apna khayaal rakhiye, aur forum par aate rahe.n...... ( aap ko forum se jaane ki ijaazat bilkul bhii nahii.n milegii.... )
mayank
Last edited by Mayank; 20th August 2009 at 11:49 AM..
|
|
|
|
|
Shayri.com Moderator
Offline
Posts: 10,551
Join Date: Aug 2006
Location: INDIA
Rep Power: 59
|
21st August 2009, 04:40 PM
MayaNk bhaiya:
aapne bilkul saHeeH kahaa haii.. maikaSh bhaiyaa ne ees Shaa'iiree Parivaar ko apnaa sab kuch diyaa hay.. tabhee yeh Parivaar aaj ees maqaam tak pahuuNchaa haii!
maikaSh bhaiya :
kuch Ghaltii hu'ii hoN hum se ya kiisii se tou maiN aapse m'waafii maaNgtaa huuN..!! kyaa kareN ? dil ko aadat sii ho gai hay aapko ko parivaar meiN deKhane kii..jab aap site pe naZar aate hai.n tou baRii KhuShii hotee hay mujhe ! aapse maiN yahee kahuuNgaa kii aate raheN.. aapke aaShirwaad aur saath ki Zaruurat hum sab ko haMeShaa rahengii.. maiN aapse um'r meiN baRaa ChhoTaa huuN.. kuch Ghalat keh gayaa huuN tou mujh naa-samajh ko m'waaf kar deejiye.ngaa!!
Khudaa aapko achchhi sehat aur DheroN saarii KhuShiyaaN deN ziNdagee meiN yahee duaa hay! apnaa achchhe se Khayaal raKhiyeNgaa!
duaaoN ke saath ijaazat
Jai Shree kriShnaa..!
aapka
~ Dhaval
*~*Dhaval*~*....Ek Ehsaas...
|
|
|
|
|
Registered User
Offline
Posts: 166
Join Date: Aug 2009
Location: Duniya ki gehrai me
Rep Power: 16
|
4th September 2009, 09:55 PM
मयकाश जी नमस्कार
आपकी ग़ज़ल जनाब सुभान अल्लाह मैं तरी करूँ इतनी मेरी औखत नही मगर कसम से आपको पढ़ने के बाद मैं तमाम शेरॉन को बार बार पढ़ता रहा बेहद उम्दा कही आपकी यह ग़ज़ल मैं क्या कहूँ साची में जी चाह रहा है बार बार बार बार पढ़ता रहूं माशा अल्लाह बेहद खूब लगी मुझे आपकी यह ग़ज़ल बेहद खूब. आपकी इस ग़ज़ल से मैं आपका फन बन गया हूँ.
PARWANA
Abed Farooqui
Jalegi shammaye tere naam se qamar
Parwaana hun tera naam jo liya karun
|
|
|
Thread Tools |
|
Display Modes |
Rate This Thread |
Linear Mode
|
|
Posting Rules
|
You may not post new threads
You may not post replies
You may not post attachments
You may not edit your posts
HTML code is Off
|
|
|
Powered by vBulletin® Version 3.8.5 Copyright ©2000 - 2024, Jelsoft Enterprises Ltd.
vBulletin Skin developed by: vBStyles.com
|
|