Read & Always Remember This GhazaL

[smack_07078]

Read & Always Remember This GhazaL

Jab Tu Peda Howa Kitna Majbour Tha
Yeh Jahan Teri Socho Se Bhi Dour Tha

Hath Paon Bhi Tab Tere Apne Na Thay
Teri Ankhon Main Duniya K Sapne Na Thay

Tujh Ko Ata Sirf Rona Hi Tha
Doodh Pi K Kaam Tera Sona He Tha

Tujh Ko Chalna Sikhaya Tha Maan Ne Teri
Tujh Ko Dil Main Basaya Tha Maan Ne Teri

Maan Ke Saye Main Parwan Charne Laga
Waqt Ke Sath Qad Tera Barne Laga

Ahista Ahista Tu Kariyal Jawan Ho Gaya
Tujh Pe Sara Jahan Meharban Ho Gaya

Zor Bazoo Pe Tu Baat Karne Laga
Khood He Sajne Laga Khud He Sanwarne Laga

Aik Din Ek Larki Tujhe Bha Gaye
Ban Ke Dulhan Woh Tere Ghar Agayi

Apne Farz Se Tu Dour Hone Laga
Beej Nafrat Ka Khud He Tu Bone Laga

Phir Tu Maan Baap Ko Bhi Bhulane Laga
Teer Baton K Phir Tu Chalane Laga

Baat Be Baat Unn Se Tu Larne Laga
Qayda Ik Naya Tu Phir Parne Laga

Yaad Kar Tujh Se Maan Ne Kaha Ik Din
Abb Humara Guzara Nahi Tere Bin

Sunn Ke Yeh Baat Tu Tesh Main Agiya
Tera Gussa Teri Aqal Ko Kha Giya

Josh Main Aake Tu Ne Yeh Maan Se Kaha
Main Tha Khamosh Sub Dekhta He Raha

Aaj Kehta Hoon Peecha Mera Chor Do
Jo Hai Rishta Mera Tum Se Woh Tor Do

Jao Ja Ke Kahin Kaam Dhanda Karo
Log Marte Hain Tum Bhi Kahin Ja Maro

Beth Kar Ahain Bharti Thi Maan Raat Bhar
Inki Ahon Ka Tujh Par Howa Na Asar

Aik Din Baap tera Chala Roth Kar
Kese Bikhri Thi Phir Teri Maan Tout Kar

Phir Woh Bhi Bass kal Ko Bulati Rahi
Zindagi Isko Har Roz Satati Rahi

Aik Din Mout Ko Bhi Taras Agaya
Iska Rona Bhi Taqdeer Ko Bha Gaya

Ashk Ankhon Main Thay Woh Rawana Howi
Mout Ki Aik Hichki Bahana Howi

Ik Sukoon Us k Chehre Pe Chane Laga
Phir Tu Mayyat Ko Uski Sajane Laga

Muddatain Ho Gayi Aaj Budda Hai Tu
Touti Khatiya Pe Para Bora Hai Tu

Tere Bache Bhi Abb Tujh Se Darte Nahi
Nafrate Hain, Muhabbat Woh Karte Nahi

Dard Main Tu Pukare Ke O MERI MAAN
TERE DAM SE ROSHAN THAY DONO JAHAN

Waqt Chalta Rahta Hai Waqt Rukta Nahi
Tout Jata Hai Woh Jo Ke Jhukta Nahi

Bann Ke Ibrat Ka Tu Abb Nishan Reh Gaya
Dhond Zor Tera Kahan Reh Gaya

Tu EHKAM-E-RABBI Bhulata Raha
APNE MAAN BAAP KO TU SATATA RAHA

Kaat Le Tu Wohi Tu Ne Boya Tha Jo
Tujh Ko Kese Mile Tu Ne Khoya Tha Jo

Yaad Kar K Gaya Dor Tu Rone Laga
Kal Jo Tu Ne Kiya Aaj Phir Hone Laga

Mout Mange Tujhe Mout Aati Nahi
Maan Ki Surat Nigahon Se Jati Nahi

Tu Jo Khanse Tu Aulad Dante Tujhe
Tu Hai Nasoor Sukh Kon Bante Tujhe