Quote:
Originally Posted by aru
Baji tere ghar me fir shehnai hogi,
Haathon mein toone mehndi bhi rachai hogi,
Chipaya tha mera bhi kya naam kahin
Ya mere naam kee mehndi toone bachai hogi....
Saj ke sawar ke sakhiyo sang jati hogi
Ek aawaaz tujhe apni or bulati hogi
Dekha tha mud ke kya toone peeche
Ya fir hontho pe geet koi gungunati hogi.....
Mala toone fir gale me pehnai hogi
Palkein jhuka ke haya bhi dikhai hogi
Aaya tha yaad kya meri baahon ka haar
Ya bhool ke sab nayi duniya basai hogi....
Baith ke toone fir tasveere khinchai hogi
Kaandhe pe apne julfe bhi lehrayi hogi
Dekha tha ek pal ko kya mujhe bheed me
Ya apne khwabon kee duniya sajai hogi....
Agni ke fir toone fere saato liye honge
Thaam ke haath vaade bhi kiye honge
Aaye the tab kya kuch toote vaade yaad
Ya bharwa ke maang saare bhula diye honge...
Vidaai pe apni tum royi to hogi
Pakon ko apne bhigoyi to hogi
Nikla tha koi aansu kya mere naam ka
Ya nayi zindagi me tum khoyi hogi...
Sez pe baithe baithe foolo ko nochti hogi
Aatma kahin na kahin to kachotti hogi
Band karke aankhein kya kiya tha mujhe yaad
Ya bs aane wali bahaar sochti hogi...
|
Waah arvind ji...aapko padna hamesha pasand aata hai mujhe..dil se nikle huye zazbaat bahut sachche aur seedhe shabdon me hote hain..aur isiliye mere dil tak pahunchte hain..
......bahut umda kalaam.......dil se daad.