A quality time with meraj faizabadi -
16th August 2005, 02:16 AM
here i m posting some spacial poetries of meraj faizabadi .. who also wrote very famous ghazal,sung by jagjeet sing ji
tere baare me jab socha nahi thaa,
main tahna thaa magar itna nahi thaa
so here we are about to spend some quality time with meraj faizabadi:-
ham Gazal me.n teraa charchaa nahii.n hone dete
terii yaado.n ko bhii rusavaa nahii.n hone dete
kuchh to ham Khud bhii nahii.n chaahate shoharat apanii
aur kuchh log bhii aisaa nahii.n hone dete
azamate.n apane charaaGo.n kii bachaane ke liye
ham kisii ghar me.n ujaalaa nahii.n hone dete
azamat--- pride
mujhko thakne nahii.n detaa ye zaroort kaa pahaaD
mere bachche mujhe buu.Dhaa nahii.n hone dete
----------------------------------------------------------------------------
baDh gayaa thaa pyaas kaa ehasaas dariyaa dekh kar
ham palaT aaye magar paanii ko pyaasaa dekh kar
ham bhii hai.n shaayad kisii bhaTakii huii kashtii ke log
chiikhane lagate hai.n Khvaabo.n me.n jaziiraa dekha kar
jis kii jitanii haisiyat hai usake naam utanaa Khuluus
bhiik dete hai.n yahaa.N ke log kasaa dekh kar
khuluus--sweetly, truth
kasaa--quality
maa.Ngate hai.n bhiik ab apane muhallo.n me.n faqiir
bhuuk bhii muhataat ho jaatii hai khatraa dekh kar
Khud_kushii likhii thii ek bevaa ke chehare par magar
phir vo zindaa ho gayii bachchaa bilakataa dekh kar
----------------------------------------------------------------------
ek TuuTii huii za.njiir kii fariyaad hai.n ham
aur duniyaa ye samajhatii hai ke aazaad hai.n ham
kyo.n hame.n log samajhate hai.n yahaa.N paradesii
ik muddat se isii shahar me.n aabaad hai.n ham
kaahe kaa tark-e-vatan kaahe kii hijaarat baabaa
isii dhartii kii isii desh kii aulaad hai.n ham
ham bhii taamiir-e-vatan me.n hai.n baraabar ke shariik
dar-o-diivaar agar tum ho to buniyaad hai.n ham
taamiir--To Construct
ham ko is daur-e-taraqqii ne diyaa kyaa "Meraj"
kal bhii barbaad the aur aaj bhii barbaad hai.n ham
--------------------------------------------------------------------------
Fainsle Qayamat taq multavee ho gaye
Sach kahe na gaye to shayri ho gaye
Mai or samander,do gehre khwaab khuda ke.....
|