Yaarane Mahefil aadab o tasleemat ,,
Meri IK tazah ghazal Jisse 11 Feb-2011 ko Gulbarga shareef me munaqid ik Kul-hind mushaire me parhne ka sharf hasil howa ...Aane wale saturday raat 11 baje ap ETV urdu pe dekh sakte hain ...
Ab apki nazar kar raha hon umid hai apni khimti aara se nawazenge
Aaj Apno hi ko apno se jhagadte dekha
Humne apne hi gulistaa.N ujadte dekha
Humko ahesas ki ranaai ne ghera aise
Ik shajar humne bhi sahera me ubharte dekha
Bhooke Bacho.N ki Tadap dekh ke rote rote
Maa.N ki ankho.N se lahoo ko bhi tapakte dekha
Aaj Andaza howa ilm ki daulat ka mujhe
Eak jahil ko jo aalim se ulajhte dekha
Ho mubarak tumhe shamsheer hi ,lekin humne
Mas"halo.N ko to mahubbat se sulajhte dekha
Neend se jubse mai Maherom howa hun aye "Qadeer"
Khoob ko toot'te Dekha hai , Bikharte dekha
__________Qadeertoopchi _____________