Tamam Sukhan-waron Ki Khidmat Me Aadaab….!
Aik Adnaa Si Kaawish Ke Sath Aik Baar Phir Bazm Me Hazir Hun…….. Ummid Hai Arbab-e-Zauq Ko Pasand Aaye Gi….
WO MUJH SE DOOR HOTA JA RAHA HAI
Bohat Maghroor Hota Ja Raha Hai
Wo Mujh Se Door Hota Ja Raha Hai
Mere Seenay Me Jo Ik Karb Sa Tha
WO Ab Naa-Soor Hota Ja Raha Hai
Hai Shayad Us Ke Darshan Ki Karamat
Ke Gham Kaafoor Hota Ja Raha Hai
Mere Jazba-e-Kaamil Ki Badolat
Andhera Noor Hota Ja Raha Hai
Zehan Se Laad Kr Lata Hai Yaaden
Ye Dil Mazdoor Hota Ja Raha Hai
Wo Apnay Zo'am Me MujhKo Ganwa Kr
Ghamon Se Choor Hota Ja Raha Hai
Agar AHMAD Bharosa Hai KHUDA Pr
To Kiun Ranjoor Hota Ja Raha Hai
AHMAD ALI SHAKIL