Safar Takseem Karna Hai

[Ashwani Tyagi]

Safar Takseem Karna Hai,
Magar Main Sochta Hoon Ye,
Kisi Rehbar Ko Le Aaoun,
ya kisi Rehjan Ke Sang Jaaoun,

Makaam Hasil Nahi Hota,
Magar Main Sochta Hoon Ye,
Kisi Ke Dar Pe Ho Aaoun,
Ya Khud Darbaar Ban Jaaoun,

Nazar Aati Nahi Manzil,
Magar Main Sochta Hoon Ye,
Kisi Se Raasta Puchoon,
Ya Khud Rahgeer Ho Jaaoun,

Koi Apna Nahi Milta,
Magar Main Sochta Hoon Ye,
Kisi Ka Khud Ko Keh Daalun,
Ya Kisi Ko Apna Bana Laaoun,

Bohat Mushkil Ghadi Hai Ab,
Magar Main Sochta Hoon Ye,
Safar Se Lot Jaaoun Kya,
Ya Honsla Aur Badhaaoun,

Bohat Hi Sochta Hoon Main,
Magar Main Sochta Hoon Ye,
Kisi Ki Soch Se Pehle,
Kisi Ki Soch Ho Jaaoun.

poet

"ShamS"