aaj ai dil lab-o-rukhasaar ki baate.n ......

[LAMHA]

Date: 25-Jul-2003
Poet: Himayat Ali Shayar

aaj ai dil lab-o-ruKhasaar ki baate.n hai sahi
vaqt kaT jayega kuch pyaar ki baate.n hi sahi

yu.N to kaTati hi rahegi Gam-e-dauraa.N me.n hayaat
aaj kii raat Gam-e-yaar kii baate.n hi sahi

[Gam-e-dauraa.N = sorrows of the world]

zindaa rahane ki kabhi to ko_ii surat nikale
isharat-e-aalam-e-didaar ki baate.n hi sahi

[isharat-e-aalam-e-didaar = state of jay at the prospect of seeing one's beloved]

ko_ii to baat chheDe aaj bahut ji hai udaas
kam se kam rahamat-e-aGyaar ki baate.n hi sahi

[rahamat-e-aGyaar = benevolence of strangers]

ab to tanhaa_ii ko ye karb na hoga bardaasht
kuch nahii.n to dar-o-diivaar kii baate.n hi sahi

[karb = anguish]

ye bhi kya kam hai unhe.n qurbat-e-gul to hai nasiib
aaj gul ki na sahi Khaar ki baate.n hi sahi

[qurbat = nearness/vicinity; Kkaar = thorn]

ye to tai hai ki jiye jaayenge har haal me.n ham
un ke lab par rasan-o-daar ki baate.n hi sahi

[tai = decided/final; rasan-o-daar = gallows]