Quote:
Originally Posted by masoodhassas
Paikar pighal gaye kabhi manzar badal gaye
Apni anaa me log kuchh sooraj nigal gaye
ghurbat ne toD daaley hain rishtoN ke sab hesaar
ahbaab bhi raqeeb ke saaNchey me Dhal gaye
main ki anaa ko toD ke lo tum se aa milaa
lekin tumhaare maathe ke ab tak na bal gaye
maaN ki doaa ne phir mujhe mahfooz kar diyaa
toofaan jo bhi aaye the woh sar se tal gaye
sooraj ne jab neqaab ko rukh se ulaT diyaa
jitney the jism barf ke yaksar pghal gaye
daryaay e be mahaar me ghootah zani to ki
kuchh to saNbhal na paye magar kuchh saNbhal gaye
purkhoN ki har bahas me thi tahzeeb jalwah gar
lekin hamaarey daor ke maozoo badal gaye
hassaas meri daastaaN thi aisi dil kharaash
patthar ki moorti ke bhi aaNsoo nikal gaye
|
wah masood saheb kya baat hai.....
har sher hi itna kamaal hai ki kisi bhi ek ko chun na aur haasil-e-ghazal kehna mere boote ke bahar ki baat hai...bahut bahut khoob....
daad haazir hai qubuul kijiyega....