Ishq tumhara...!!!

[benaam]

Tumhare ishq ki dhunn me,
mai gaata hu bajaata hu,
tumhaare kaano tak pahunche,
taraana wo sunaata hu...
zara karlo tapish mehsoos,
shayad tum bhi ishq ki,
uthe dhuaan jalen aakhen,
tabhi khud ko jalaata hu.....!!!!

Yahaan tak jo mai pahuncha hu,
tumhaare ishq me dum hai,
samandar laang aaya hu,
zara aakhen tabhi num hai....
chalo chodo humari ab ,
zara batlao kuch apni,
humari to yeh manzil thi,
tumhe kis baat ka gum hai....!!!

Zara madhosh the hum kuch,
abhi hain hosh me aaye,
jo tumse door ho gaye hum,
khuda ko dosh de aaye......
chalo chodo ye ruswayi,
saza humko humaari do,
tumhe tohfe me dede jaan,
hai hum is josh se aaye...!!!!