Lamho Ka Lamha Sa Safar

amit7600 · **Lamho Ka Lamha Sa Safar -** 28th March 2010, 10:58 AM

Boond Boond se tapkte lamhe
kuch khoye khoye se lamhe
kuch yaaha geere kuch vaha geere
boondabandi mai kuch na jaane kaha kaha geere
Bheed mai khoye khoye se lamhe
Apni pehchaan bhulaate lamhe
machalte gungunate timtimate lamhe
jalte jalaate gudgadaate lamhe
Ye lamhe vo lamhe aise lamhe vaise lamhe
Yaado mai bas jaate jaane vo kaise kaise lamhe
saanso se lamho ka naata hai
lamho ka saanso se
dhadkte lamha bhi hai dadhkti saaanse bhi
lamhe niischint hai to saanse niischint
saanse niischint hai to lamhe niischint
Lamho se saanse hai aur saanso se lamhe hai
Kho jaana dono ko hai
Jeevan ki upaj hai dono
Mitti me mil jaana dono ko hai
Tahar jao mujhe jara aur samjhne do
Is boondabandi me mujhe jara aur bheegne do
Lamho ko sametna hai phoolo ko jara aur mahkna hai
Lamho ka sanso se rishta abhi aur banna hai
Lamhe adhure hai sanse adhuri hai
Sampoorn unhe abhi thoda aur hona hai

vikramjethi · 28th March 2010, 07:15 PM

Quote:

Originally Posted by amit7600

Boond Boond se tapkte lamhe
kuch khoye khoye se lamhe
kuch yaaha geere kuch vaha geere
boondabandi mai kuch na jaane kaha kaha geere
Bheed mai khoye khoye se lamhe
Apni pehchaan bhulaate lamhe
machalte gungunate timtimate lamhe
jalte jalaate gudgadaate lamhe
Ye lamhe vo lamhe aise lamhe vaise lamhe
Yaado mai bas jaate jaane vo kaise kaise lamhe
saanso se lamho ka naata hai
lamho ka saanso se
dhadkte lamha bhi hai dadhkti saaanse bhi
lamhe niischint hai to saanse niischint
saanse niischint hai to lamhe niischint
Lamho se saanse hai aur saanso se lamhe hai
Kho jaana dono ko hai
Jeevan ki upaj hai dono
Mitti me mil jaana dono ko hai
Tahar jao mujhe jara aur samjhne do
Is boondabandi me mujhe jara aur bheegne do
Lamho ko sametna hai phoolo ko jara aur mahkna hai
Lamho ka sanso se rishta abhi aur banna hai
Lamhe adhure hai sanse adhuri hai
Sampoorn unhe abhi thoda aur hona hai

amit da....kaise haiN aap...?
bade din baad aapki koi kavita dekhi.....aur sach kahuN to mere kehne layaq kuchh hai hi nahi....aapke lamhoN ka safar apne aap meiN saMpooranta ko liye hue hai....mujhe yeh kehna hai ki aapki kavita padhte padhte jab maiN apne jiwan ke achhe bure lamhoN ke baare meiN soch raha tha to aapki kavita ka matlab samjh meiN aaya.....bahut sundar aur bahut saleeke se apne anubhavoN ka bakhaan kiya hai aapne.....yeh ek bahut nayaab kriti bani hai....saMbhal kar rakhiyega....nahi to mujhse kabhi bhi le lijiyega....meri tijori meiN qaid ho chuki hai ye....

aapka.....

amit7600 · 29th March 2010, 12:17 AM

bhai,

yeh lamha jise aapne baksha maine apne yaado ke gharonde main qaid kar liya.....
aap jaise dosto ke kaaran lamhe haseen hote hai....dhnyavad to mujhe aapka dena chaiye...jaha bhi jaate hai.....lamhe khud be khud dhadkne lagte hai....

kya kahu...aap hi samajh le.....

jo aapko pasand aayi meri yeh kavita to lagta hai...kuch accha hi bana hoga....varna kabhi kabhi lagta hai....shabdo ne mujhse kinara kar liya hai.....

sajid_ghayel · 1st April 2010, 06:02 PM

Amit saheb bas mujhe jo kehna tha use Vikram se bakhubi kaha hai..........bohat zabardast rahi aapki khoobsurat lamho bhari kavita.

Gulzaar saheb ne kya khoob kaha hai......

Kabhi kabhi lamho me zindagi guzar jati hai
Aur kabhi ek lamha zindagi bhar nahi guzarta....

Maza aaya aapki is kavita ko padh kar

amit7600 · 8th April 2010, 04:38 AM

ghayel saheb......

aapka shukraguzaar hu jo aapne is nacheez ki kavita ko tawazzo di......aapko pasand aayi.....yeh lamha anmol ho gaya......

aapka dhnyavad