Wwwaaahhh !!! Behtareen ghazal se nawaaza hai bazm ko Ahmad sahab !! Har sher meiN heere ki chamak aur os ki namee hai !! Dil ko sukoon sa ataa hua ise padh ke !! Bahaut si daad aur dheron mubaarakbaad aap ko !!!
maiN rehnuma ke kahe raastoN se door raha
mera maqaam sada manziloN se door raha
waahhh bhai kyaa kahne.... kamaal ki ghazal pesh ki hai aapne, magar jo taseer jo mazaa is ek misre me hai uski khumaari hi beqaraar karne ko kaafi hai.... bahot mubaarakbaad...
Janaab Ahmad Shakil sahab ek shaandaar ghazal nazar nawaaz hui mashaAllah behad khoobsurat aashaaroN par murassa,is ghazal ke liyN aapki khidmat daad behad o behisaab hazir hai qubool farmaaiye
aslam
zindagi ke haseen lamhe ka
Khoobsurat sa intekhaab ho tum
Arbaab-e-Zauq Ko Aadaab…..! Dosto Aik Tarhee Ghazal Pesh Hai, Apni Aaraa Se Zaruuuur Nawaaaziye Ga….
"ZAIR-E-LAB WO MUSKURAATA SHUKRIA ACHA LAGA"
Pattharon Ke Dais Me Mujhko Bhi Kia Acha Laga Aik Naazuk Sa Khilona Kaanch Ka Acha Laga
Kia Kahun Main Ay Dil-e-Nadaan Tere Bakht Ko Saari Dunia Me Tujhay Wo Be-Wafaa Acha Laga
Apne Dil Ka Dard Saara Main Ne Us Se Keh Dia Muddaton Ke Baad Mujhko Aayina Acha Laga
Uski Aankhon Me Thi Janay Aaj Kia Waaraftagi Dil Ko Uska Dair Tak Wo Dekhna Acha Laga
De Gaya Mujhko Qareena Zindagi Ka Dosto Aandhiyon Ke DarmiyaaN Hansta Dia Acha Laga
Gham-zada Logon Me Ahmad Muskurahat Baantna Zinda Rehnay Ke Liye Ye Mashghala Acha Laga
AHMAD ALI SHAKIL
Ahmed Shakil saheb, adaab !
Jenab ko pehli dafeh paDh raha huuN, aur yeh soch raha huuN ke aapko pehle kyun nahi paDha maine.
Nacheez kuchh comment kare aapki iss lajawaab peshkash par, khud ko iss qaabil nahi samajhta.
Bas dheron daad aur duaayeiN qubool farmaayeiN.
Mehfil ko intezaar rahegaa aapki nayi peshkash ke saath aamad ka.
Khair andesh
Sagar Aashna
****************
Qaul thae ke 'Sagar' milengae kal magar
Taareeki musalsal hai, savera nahii hota