aik saayaa meraa masiihaa thaa !
kaun jaane, vo kaun tha, kyaa thaa ?
vo faqat sehn tak hii aatii thii
maiN bhii hujre se kam nikaltaa thaa
(faqat : only; sehn : verandah; hujraa : chamber)
tujh ko bhuulaa nahiiN vo shaKhs ke jo
terii baaNhoN meN bhii akelaa thaa
jaan-levaa thiiN KhvaahisheN varnaa
vasl se intizaar achchaa thaa
baat to dil-shikan hai par, yaaro !
aql sachchii thii, ishq jhuuTa thaa !
(dil-shikan : heart breaking
apne mayyaar tak na pahuNchaa maiN
mujhko Khud par baRaa bharosaa thaa
(mayyaar : benchmark
jism ki saaf-go’ii ke baa-vasf
ruuh ne kitnaa jhuuT bolaa thaa !
(saaf-go’ii : straight talk; baa-vasf : with qualities
Jaun Elia