Shayri.com  

Go Back   Shayri.com > Shayri > Anjuman-e-Shayri

Reply
 
Thread Tools Rate Thread Display Modes
Eid Mubarak!
Old
  (#1)
baba
Registered User
baba will become famous soon enoughbaba will become famous soon enough
 
baba's Avatar
 
Offline
Posts: 91
Join Date: Sep 2003
Location: kolhapur Maharshtra
Rep Power: 20
Smile Eid Mubarak! - 13th November 2003, 02:17 PM

hai aabidoN ko ta'at wa tajreed ki kHushi
aur zaahidoN ko zuhad ki tamheed ki kHushi
rind aashiqoN ko hai kai ummeed ki kHushi
kuchh dil-baroN kay wasal ki, kuchh deed ki kHushi
[aabid=devotees, ta'at=devotion, tajreed=solitude
zaahid=preacher, zuhad ki tamheed=start of religious talk
rind aashiq=drink lover, dil-bar=thief of heart
wasal=meeting, deed=to see]

aisi naH shab-e-barat, naH baqreed ki kHushi

jaisi har aik dil meiN hai iss eid ki kHushi
rozey ki kHushkiyoN sey jo haiN zard zard gaal
kHush ho gaye woh, dekhtey hi eid ka hilaal
poshaakeiN tan meiN zard, sunhari, safed, laal
dil kya keH haNs rahaa hai paRha tan ka baal baal
[ rozey=fastings, zard=pale, hilaal=moon of the eid
poshak=clothes, haNs=laughs]

aisi naH shab-e-barat, naH baqreed ki kHushi

jaisi har aik dil meiN hai iss eid ki kHushi
pichhley pahar sey uTTh kay nahaney ki dhoom hai
sheer-o-shakar sevaiNyaaN pakaaney ki dhoom hai
peer-o-jawaaN ko naimateiN khaaney ki dhoom hai
laRhko ko eidgaah jaaney ki dhoom hai
[peer=old, naimateiN=God's bounty]

aisi naH shab-e-barat, naH baqreed ki kHushi

jaisi har aik dil meiN hai iss eid ki kHushi

koi mast phirtaa hai jaam-e-sharab sey
koi pukarta hai keH chhuTey azaab sey
kalla kissi ka phoola hai laDDoo ki chaap sey
chaTkareiN jee meiN bhartey haiN naan-o-kabaab sey
[azaab=agony, kalla=cheek ]




aisi naH shab-e-barat, naH baqreed ki kHushi

jaisi har aik dil meiN hai iss eid ki kHushi

kya hi muanqey ki machi hai ulaT pulaT
miltey haiN dauRh dauRh kay baham jhapaT jhapaT
phirtey haiN dil-baroN kay bhi galiyoN meiN gHaT kay gHaT
aashiq mazey uRhatey haiN har dam lipaT lipaT
[muaaniq=to embrace, gHaT=crowd]

aisi naH shab-e-barat, naH baqreed ki kHushi

jaisi har aik dil meiN hai iss eid ki kHushi

kajal, hina, gHazab masi wa paan ki dhaRhi
pishwazeiN surkH, soni, laahi ki phooljhaRhi
kurti kabhi dikha, kabhi aNgiyaa kisi kaRhi
keH "eid eid" loTey haiN dil ko ghaRhi gaRhi
[pishwaaz=a type of ladies scirt]

aisi naH shab-e-barat, naH baqreed ki kHushi

jaisi har aik dil meiN hai iss eid ki kHushi
jo jo keH unn key husn ki rakhtey haiN dil sey chaah
jaatey haiN unn kay saathh ta baH-eidgaah
topoN kay shor, aur dogaanoN ki rasm-o-raah
mayaaney, khiloney, sair, mazey, aish, waah waah

aisi naH shab-e-barat, naH baqreed ki kHushi

jaisi har aik dil meiN hai iss eid ki kHushi
rozoN ki sakHtiyoN meiN naH hotey agar ameer
to aisi eid ki naH kHushi hoti dil pazeer
sab shaad haiN, gadaa say lagaa shaah ta wazeer
dekha jo hum ney kHoob, to sach hai miyaaN nazeer

aisi naH shab-e-barat, naH baqreed ki kHushi

jaisi har aik dil meiN hai iss eid ki kHushi


Tamaam shayri.com ke saathiyon In advance Eid Mubarak!


babaF

duniyaa se dil lagaakar duniyaa se kyaa milegaa
yaad-e-Khudaa kiye jaa tujh ko Khudaa milegaa
   
Reply With Quote
Old
  (#2)
Shimul
*Ishq~Ibadat.......**
Shimul is a glorious beacon of lightShimul is a glorious beacon of lightShimul is a glorious beacon of lightShimul is a glorious beacon of lightShimul is a glorious beacon of light
 
Shimul's Avatar
 
Offline
Posts: 8,716
Join Date: Jun 2003
Location: Aapne Sanam Ko Yaad Kiya Sar Jhuka Liya**
Rep Power: 31
13th November 2003, 05:51 PM

Bohot khushi huyi aapka yeh kalam parte hue. Aapko bhi humari taraf se Eid bohot bohot mubarak ho. Allah aapka haar khwaish puri kare. Ameen Summa Ameen. Shukriya. Aapna khayal rakhiyega. Allah Hafiz.


*Aapni Parwaaz-e-Takhayyull Hain Zamane Se Juda
Jiss Jagah Koyi Na Pahuncha Wahaan Tak Pahunche
Main Samajhta Huun Harr Dil Mein Khuda Rehta Hain
Mera Paigam Mohabbat Hain Jaahan Tak Pahunche**
*~~~Ahsan Sherazi Jee~~~**

*Pure Love**
   
Reply With Quote
Old
  (#3)
Dard-e-sush
Registered User
Dard-e-sush is a jewel in the roughDard-e-sush is a jewel in the roughDard-e-sush is a jewel in the rough
 
Dard-e-sush's Avatar
 
Offline
Posts: 600
Join Date: Jul 2003
Location: Moscow, Russia
Rep Power: 21
14th November 2003, 03:21 AM

Hamari taraf se bhi EID bahut bahut mubarak aapko advance me.......

May God Bless u with all his blessings

Regards


लब पे मुस्कान को लिए ऐ दोस्त, काँधों पे लाश अपनी ढोते हैं,
इस भरे शहर में हम Dard-e-Sush, जो न पाया उसे भी खोते हैं!

lab pe muskaan ko liye ae dost, kandhon pe laash apni dhote hein
is bhare sheher me ham dard-e-sush, jo na paaya use bhi khote hein
   
Reply With Quote
Reply

Thread Tools
Display Modes Rate This Thread
Rate This Thread:

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is On

Forum Jump

Similar Threads
Thread Thread Starter Forum Replies Last Post
Eid Mubarak naresh_mehra110 Celebrations 3 28th November 2009 11:48 PM
Eid Mubarak zainy Celebrations 8 22nd September 2009 12:39 PM
*Eid Mubarak** Shimul Hindi/Urdu Lyrics 20 28th October 2007 06:03 PM
Eid Mubarak LAMHA Celebrations 0 12th October 2007 08:03 PM
mubarak ho......................... sushil_sagar Humourous Shayri 0 21st October 2004 08:03 PM



Powered by vBulletin® Version 3.8.5
Copyright ©2000 - 2021, Jelsoft Enterprises Ltd.
vBulletin Skin developed by: vBStyles.com