Kuch dino se bohat hi pareshaaN hu mai

[Mujahid Ali]

Kuch dino se bohat hi pareshaaN hu mai
Jaisey ujhra hua ek gulistaaN hu mai

Na rahey phool voh jo khiley thai kabhi
Dekh kar apna ahvaal hairaaN hu mai

Aaeiney mai nazar bhi nahi aata kuch
Ke nigaaho se apney hi pinhaaN hu mai

Bachpana na gaya dil se ab tak merey
Ha jamasaal hu magar dil se nadaaN hu mai

Mujh pe itna sitam bhi na kar zindagi
Sabr itna nahi mujh mai insaaN hu mai

Dil dharakta mera hasrat-e-ishq mai
Par bina ishq ke fard be-jaaN hu mai

Mujh mai kitni tapish hai tujhe kya pata
Jal bhi jaaye qadam voh biyabaaN hu mai

Na karo tum tafarqa merey naam pe
Mai khuda bhi tera aur bhagwaaN hu mai

Merey aamad pe khush hota saara jahaaN
Lailat-ul-qadr hu maah-e-ramzaaN hu mai

Zehniyat bhi mujahid ki hai mukhtalif
Kya bura zaat se gar musalmaaN hu mai


FEW MEANINGS

Ahvaal= condition/haal
PinhaaN= hidden
Jamasaal= young
Fard= individual
Tapish= heat
BiyabaaN= desert
Tafarqa= difference
Aamad= advent
Lailat-ul-qadr= a special night which comes in the month of ramzaan
Maah-e-ramzaaN= month of ramzaan
Zehniyat= mentality
Mukhtalif= different

[Madhu 14]

Mujahid sahab....jis kashmakash, jo dard au uljhan aapne bayaa.n karni chahi hai...vo kalaam me bakhoobi kahi hai aapne....umda khayaal...

Mujh pe itna sitam bhi na kar zindagi
Sabr itna nahi mujh mai insaaN hu mai

Waah...bahut khoob...

Likhte rahein...
Salamat rahein..

[sabaa kiyani]

buhet hi dard mai doobie tehreer hey mujahed saheb
buhet acha likha hey aap ney buhet khoob ji